பொன்மொழிகள் – திருமுருக கிருபானந்த வாரியார்

by **rammalar** Fri 18 Jan 2013 - 13:04

--
நாய்க்கு ஒருவன் ரொட்டியை நீட்டினால் நாய் ரொட்டியை
நோக்குமேயன்றி, ரொட்டி தருகின்றவனை நோக்காது. அதுபோல,
இறைவன் வழங்கும் பொருளை எதிர்பார்த்து அந்தப் பொருளை
வழங்கிய இறைவனை எண்ணாத மக்கள் நாய் போன்றவர்கள்.
-

தானம் தருபவரைவிட அதனைப் பெறுபவரின் இயல்பைப்
பொறுத்தே தானத்தின் தகைமை உயர்கிறது. மழை நீரானது
காய்ச்சிய இரும்பின் மீது வீழ்ந்தால் சுண்டிப் போய்விடும்.
தாமரை இலையிலே வீழ்ந்தால் விழுந்தபடியே இருக்கும்.
சிப்பியிலே வீழ்ந்தால் முத்தாக விளையும்.
-

மாமரம் பழுத்தால் கிளிகளும் குயில்களும் உண்ணும். வேம்பு
பழுத்தால் காக்கைகள் மட்டுமே சுவைக்க முயலும். அதுபோல,
உத்தமன் தேடிய திரவியத்தை மேலோர் அனுபவிப்பர். தீயவன்
திரட்டிய செல்வத்தைத் தீயவர் பின் அனுபவிப்பர்.
-

தாய் தந்தையருக்குப் பணிவிடை செய்வதைத் தலையாய
கடமையாகக் கருதுபவனிடத்திலும், ஒருமைப்பட்ட மனத்துடன்
தன் கணவனுக்குப் பணிவிடை செய்யும் மனைவியிடத்திலும்,
உண்மையே பேசி நாணயமாக நடக்கும் வியாபாரி இடத்திலும்,
புலனடக்கம் உள்ளவனிடத்திலும் இறைவன் இருக்கிறான்.
-

எவர் பகைவனுக்காயினும் கெட்ட நூல்களைச் சொல்லுவாரோ,
எவர் நூல்களின் உண்மைப் பொருளை மாற்றிக் கூறுவாரோ,
எவர் நன்மை தராத சொற்களைச் சொல்லுவாரா அத்தகைய
பாவச் செயலைச் செய்பவர்தாம் நரகத்தில் வீழ்பவர்.
-

திருப்தி என்பது மனநிறைவு, கிடைத்த பொருளைக் கண்டு
இதுவாவது கிடைத்ததே என்று திருப்தி அடைவதுவே அறிவுடைமை.
அங்ஙனம் திருப்தி அடைபவனைக் கண்டு கடவுள் அருள்புரிகின்றார்.
திருப்தி மனிதனை வாழ வைக்கும். அதிருப்தி மனிதனை அழித்து
விடும்.
-
======================================

by **Muthumohamed** Fri 18 Jan 2013 - 16:11

பொன்மொழிகள் – திருமுருக கிருபானந்த வாரியார்

பொன்மொழிகள் – திருமுருக கிருபானந்த வாரியார்

Re: பொன்மொழிகள் – திருமுருக கிருபானந்த வாரியார்