சி.ஐ.ஏ. ரகசிய செயற்பாடுகளுக்கு 54 நாடுகள் ஒத்துழைப்பு

by *சம்ஸ் Thu 7 Feb 2013 - 7:53

சி.ஐ.ஏ. ரகசிய செயற்பாடுகளுக்கு 54 நாடுகள் ஒத்துழைப்பு

தீவிரவாத சந்தேக நபர்கள் விடயத்தில் அமெரிக்க உளவுப் பிரிவான சி. ஐ. ஏ.யுடன் 54
நாடுகள் ஒத்துழைத்து செயற்பட்டுள்ளதாக மனித உரிமை அமைப்பின் புதிய அறிக்கையில்
கூறப்பட்டுள்ளது.
2001 செப்டெம்பர் இரட்டை கோபுர தாக்குதலுக்கு பின் தமது சொந்த நாட்டில் தடுப்பு
முகாம்களை அமைத்தும் தீவிரவாத சந்தேக நபர்களை நாடுகடத்தியும் ஐரோப்பா, ஆசிய மற்றும்
ஆபிரிக்கா என சுமார் 54 நாடுகள் சி. ஐ. ஏ. அமைப்புக்கு ஒத்துழைப்பு வழங்கியதாக அந்த
அறிக்கையில் கூறப்பட்டுள்ளது.

சி.ஐ.ஏ. ரகசிய செயற்பாடுகளுக்கு 54 நாடுகள் ஒத்துழைப்பு W-2

சி.ஐ.ஏ. ரகசிய செயற்பாடுகளுக்கு 54 நாடுகள் ஒத்துழைப்பு W-2

இதில் 2001 செப்டெம்பர் தாக்குதலுக்கு பின் குறைந்தது
136 பேரை கடத்தியது, தடுத்துவைத்தது மற்றும் துன்புறுத்தியது தொடர்பில் பல உலக
நாடுகளும் ரகசியமாக தொடர்புபட்டிருப்பதாக குறிப்பிடப்பட்டுள்ளது.
“அமெரிக்கா தனது தீவிரவாத தடுப்பு நடவடிக்கையின்போது உள்நாட்டு மற்றும் சர்வதேச
சட்டங்களை மீறியுள்ளது. உலக நாடுகள் துன்புறுத்தல் மற்றும் ஏனைய துஷ்பிரயோகங்களுக்கு
ரகசிய மாக ஒத்துழைப்பு வழங்கியுள்ளது” என மனித உரிமை அமைப்பு கடந்த செவ்வாய்க்கிழமை
வெளியிட்ட அறிக்கையில் குறிப்பிட்டுள்ளது.
வெளிப்படை சமூக நீதிக்கான மனித உரிமை அமைப்பே இந்த அறிக்கையை வெளியிட்டுள்ளது.
நம்பத்தகுந்த பொது மூலங்கள் மற்றும் மனித உரிமை அமைப்புகளின் ஆதாரங்கள்
அடிப்படையிலேயே இந்த அறிக்கை தயாரிக்கப்பட்டதாக அது கூறியுள்ளது.
எனினும் இந்த அறிக்கையை சி. ஐ. ஏ. நிராகரித்துள்ளது.
இதில் அமெரிக்காவுக்கு நெருங்கிய நாடுகளான அவுஸ்திரேலியா, இஸ்ரேல், கனடா, ஜெர்மனி,
பிரிட்டன், பின்லாந்து மற்றும் அயர்லாந்து போன்ற நாடுகளுடன் அமெரிக்காவுடன் நட்பு
பேணாத ஈரான் மற்றும் சிரியா போன்ற நாடுகளும் சி. ஐ. ஏ. அமைப்புக்கு ஒத்துழைப்பு
வழங்கியிருப்பதாக கூறப்பட்டுள்ளது. இதில் ஈரான் தனது 15 சந்தேக நபர்களை ஆப்கானுக்கு
நாடுகடத்தியிருப்பதோடு ஆப்கான் அவர்களை அமெரிக்க அரசுக்கு வழங்கியிருப்பதாக அந்த
அறிக்கையில் சுட்டிக்காட்டப்பட்டுள்ளது.
இதில் சி. ஐ. ஏ. அமைப்பு வெளிநாடுகளில் தடுப்பு முகாம்களை அமைத்து செயற்படவும் பல
நாடுகளும் ஒத்துழைப்பு வழங்கியுள்ளன. இந்த ரகசிய தடுப்பு முகாம்கள் குறித்த
நாடுகளின் தொடர்பு இன்றி செயற்பட்டுள்ளதாகவும் அந்த அறிக் கையில்
குறிப்பிடப்பட்டுள்ளது.
எனினும் 2009 ஆம் ஆண்டு அமெரிக்க ஜனாதிபதியாக பராக் ஒபாமா பொறுப்பேற்ற பின் சி. ஐ.
ஏ. இரகசிய தடுப்பு முகாம்களை மூட உத்தரவிட்டிருந்தார் என்பது குறிப்பிடத்தக்கது.

நன்றி தினகரன்