15 இடங்களில் குறைந்த செலவில் விமான நிலையங்கள்

by *சம்ஸ் Mon 11 Feb 2013 - 8:07

15 இடங்களில் குறைந்த செலவில் விமான நிலையங்கள்

பசுமை விமான நிலையத் திட்டத்தின் கீழ், நாட்டில் 15 இடங்களில் குறைந்த செலவிலான
விமான நிலையங்கள் அமைக்க நடவடிக்கை எடுக்கப்படுவதாக மத்திய விமான போக்குவரத்துத்துறை
அமைச்சர் அஜித் சிங் கூறினார்.
புதுச்சேரி விமான நிலையத்தில் கட்டப்பட்ட புதிய பயணிகள் முனையத்தை சனிக்கிழமை
நாட்டுக்கு அர்ப்பணித்து அவர் பேசினார்.
புதுச்சேரி விமான நிலையத்தில் ஒரே நேரத்தில் 150 பயணிகளைக் கையாள முடியும். இங்கு
1,502 மீட்டர் நீள் ஓடுதளம் இருக்கிறது. இதில் ஏடிஆர் 72 வகை விமானங்களை இயக்க
முடியும்.
மேலும் தேவை ஏற்படும் போது இந்த விமான நிலையத்தை விரிவாக்கம் செய்வதற்கான
வசதிகளும் இங்கு உள்ளன. விமான நிலைய விரிவாக்கத்துக்கு நிலம் அவசியம். அதை மாநில
அரசு பெற்றுத்தரும் என்ற நம்பிக்கை இருக்கிறது.
மக்களின் வாழ்க்கைத் தரம் மாறி வருகிறது. பயணிகள் விமானங்கள் உட்பட பல்வேறு
துறைகளில் கட்டமைப்பு வசதிகளை அரசு மேம்படுத்தி வருகிறது.
சுற்றுலா, வெளிநாட்டுப் பயணிகள் வருகைக்காக மட்டுமின்றி, நாட்டின் பிற பகுதிகளை
இணைக்க விமானங்க ளின் தேவையும் அதிகரித்து வருகிறது.