புதிய பாப்பரசர் போட்டியில் இரு கறுப்பினத்தவர் முன்னணியில்

புதிய பாப்பரசர் போட்டியில் இரு கறுப்பினத்தவர் முன்னணியில்



ஐரோப்பாவுக்கு வெளியில் முதல் பாப்பரசர் தேர்வாக வாய்ப்பு


பரிசுத்த பாப்பரசர் 16 ஆவது ஆசிர்வாதப்பரின் திடீர் இராஜினாமா அறிவிப்பை தொடர்ந்து
முதல் முறையாக ஐரோப்பியர் அல்லாத ஒருவர் பாப்பரசராக தெரிவாக வாய்ப்பு
ஏற்பட்டிருப்பதாக அவதானிகள் தெரிவித்துள்ளனர்.

இதில் குறிப்பாக இரு கறுப்பின
ஆபிரிக்க கர்தினால்கள் புதிய பாப்பரசர் போட்டியில் முன்னணியில் இருப்பதாக
கூறப்பட்டுள்ளது. அதேபோன்று உலகில் அதிக கத்தோலிக்க சனத்தொகை கொண்ட லத்தீன்
அமெரிக்காவைச் சேர்ந்தோரும் புதிய பாப்பரசர் போட்டியில் முன்னணியில் உள்ளனர். உலகில்
1.2 பில்லியனைக் கொண்ட கத்தோலிக்கர்களில் 42 வீதமானோர் லத்தீன் அமெரிக்காவை
பிரதிநிதித்துவப்ப டுத்துகின்றமை குறிப்பிடத்தக்கது.
முன்னர் இத்தாலி நாட்டவர்
மாத்திரமே தேர்வான பாப்பரசர் பதவிக்கு தற்போது அனைத்து நாட்டவர்களும்
நியமிக்கப்படுகின்றனர். எனினும் இதுவரை ஐரோப்பாவுக்கு வெளியில் பாப்பரசர்
தேர்வானதில்லை. இந்நிலையில் அடுத்த பாப்பரசரை உலகெங்கிலுமுள்ள 120 கர்தினால்களின்
வாக்கெடுப்பின் மூலம் தேர்வு செய்யப்பட வுள்ளது.

புதிய பாப்பரசர் எதிர்வரும்
உயிர்த்த ஞாயிறு தினத்துக்கு (மார்ச் 31) முன்னர் தேர்வு செய்யப்படுவார் என
வத்திக்கான் அறிவித்துள்ளது.
இதனிடையே எதிர்வரும் பெப்ரவரி 28 ஆம் திகதி பதவி விலகுவதாக அறிவித்துள்ள தற்போதைய
பாப்பரசர் அடுத்த பாப்பரசரை தேர்வு செய்யும் விடயத்தில் தலையிடப்போ வதில்லை என
குறிப்பிட்டுள்ளார்.

இந்நிலையில் புதிய பாப்பரசர் போட்டியில் கானாவைச் சேர்ந்த
கறுப்பினரான 64 வயது பீட்டர் துர்க்கன் கர்தினால் இருப்பதாக ஊகங்கள் வெளியாகியுள்ளது.


இவர் தற்போது வத்திக்கானின் நீதி மற்றும் அமைதிக்கான அலுவலகத்தின் தலைவராக உள்ளார்.
அதேபோன்று மற்றொரு கறுப்பினத்தவரான கிழக்கு நைஜீரியாவின் 64 வயது பிரான்ஸிஸ்
அரின்செவும் போட்டியில் முன்னணியில் உள்ளார்.

தவிர, அதிக கத்தோலிக்கர் வாழும்
லத்தீன் அமெரிக்காவில் பாப்பரசர் போட்டியில் மூவர் முன்னணியில் உள்ளனர். அதேபோன்று
ஆசியாவின் பிலிப்பைன்ஸ் நாட்டைச் சேர்ந்த 55 வயது கர்தினால் லுயிஸ் டன்கிலும் புதிய
பாப்பரசர் போட்டியில் முன்னணியில் உள்ளார்.

எவ்வாறாயினும் உலக கத்தோலிக்க
சனத்தொகையில் கால் பங்கு மாத்திரமே கொண்ட ஐரோப்பாவில் பாப்பரசர் தேர்வில்
வாக்களிக்கும் கர்தினால்களில் அரைப்பங்கினர் உள்ளமை குறிப்பிடத்தக்கது.
நன்றி தினகரன்

:) :)