கிழக்கில் தொடர்கிறது அடைமழை, வெள்ளம்:

by **நண்பன்** Sat 16 Feb 2013 - 6:43

கிழக்கில் தொடர்கிறது அடைமழை, வெள்ளம்:
கதிர் முற்றிய விளை நிலங்கள் நீரில் மூழ்கியதால் விவசாயிகள் பரிதவிப்பு
அறுவடை செய்த நெல்லை உலர்த்த வசதியின்றி விவசாயிகள் திண்டாட்டம்

நாட்டின் பல பகுதிகளில் நிலவிவரும் மழையுடன் கூடிய காலநிலை காரணமாக பல்வேறு பகுதிகளிலுள்ள விவசாய நிலங்கள் அழிவடைந்துள்ளன. இதனால் விவசாயிகள் மன வேதனையடைந்துள்ளனர்.

குறிப்பாக நெல் அறுவடைக்காலம் என்பதால் ஆயிரக்கணக்கான ஏக்கர் நெல் வயல்கள் அழிவடைந்துள்ளன. அறுவடைக்குத் தயாராகவிருந்த நெற்கதிர்கள் பல அழிவடைந்துள்ளன. கடந்தமுறை ஏற்பட்ட வெள்ளத்தில் பாதிக்கப்படாத நெற்கதிர்களை அறுவடை செய்வதற்கு விவசாயிகள் தயாராகவிருந்த நிலையில் மீண்டும் ஏற்பட்ட மழையால் அவர்கள் பல அழிவுகளைச் சந்தித்துள்ளனர்.

கிழக்கு மாகாணத்தின் மட்டக்களப்பு மற்றும் அம்பாறை மாவட்டத்தின் பல இடங்கள் வெள்ளத்தில் மூழ்கியுள்ளன. இதனால் அப்பகுதிகளின் போக்குவரத்துப் பாதிக்கப்பட்டிருப்பதுடன், மக்களின் இயல்பு வாழ்க்கையும் மோசமாகப் பாதிக்கப்பட்டுள்ளது.

கிழக்கு மாகாணத்தில் பல இடங்களில் அறுவடை செய்த வயல் நிலங்களில் நெற் கதிர்கள் நீரில் மிதப்பதைக் காணக்கூடியதாகவுள்ளது. அதேநேரம் அறுவடை செய்த நெல் வெள்ளத்தால் பாதிக்கப்பட்டுள்ள நிலையில் அவற்றை உலரவைக்கும் விவசாயிகளின் முயற்சிகளும் தோல்வியில் முடிவடைந்துள்ளன.

அக்கரைப்பற்று, அட்டாளைச்சேனை, சம்மாந்துறை போன்ற பிரதேசங்களில் அறுவடை வயல் நிலங்கள் வெள்ளத்தில் முற்றாக மூழ்கியுள்ளன. மழை காரணமாக இயந்திரங்கள் மூலம் அறுவடை செய்யவோ, அறுவடை செய்த நெல்லை உலர்த்தி களஞ்சியப்படுத்தவோ வசதியின்றி விவசாயிகள் தவிர்க்கின்றனர். சீரற்ற காலநிலையினால் ஏற்பட்ட மழை, வெள்ளம் காரணமாக மூடப்பட்டிருந்த திருக்கோவில் கல்வி வலயத்தைச் சேர்ந்த 08 பாடசாலைகள் மீளத் திறக்கப்பட்டு கல்வி நடவடிக்கைகள் ஆரம்பிக்கப்பட்டது.

திறக்கப்படாத 04 பாடசாலைகளும் எதிர்வரும் திங்கட்கிழமை காலநிலை சீராக இருக்கும் பட்சத்தில் திறக்கப்படும் என திருக்கோவில் வலயக் கல்விப் பணிப்பாளர் ஆர். சுகிர்தராஜன் தெரிவித்தார்.

கடந்த சில நாட்களாக அம்பாறை மாவட்டம் முழுவதும் நிலவிய சீரற்ற காலநிலை காரணமாக அதாவது தொடர்ச்சியான இடியுடன் கூடிய மழை காரணமாக ஏற்பட்ட வெள்ளம் பாடசாலை வகுப்பறைக்குள் வெள்ள நீர் உட்புகுந்திருந்தமை முதலிய காரணங்களால் திருக்கோவில் வலயத்தைச் சேர்ந்த திருக்கோவில் கோட்டத்தில் அமைந்துள்ள தம்பிலுவில் மத்திய மகா வித்தியாலயம், தம்பிலுவில் கலைமகள் வித்தியாலயம், தம்பிலுவில் கனகரெட்ணம் வித்தியாலயம் என்பன கடந்த 10.02.2013, 11.02.2013 ஆகிய இரு தினங்கள் மூடப்பட்டிருந்ததுடன் திருக்கோவில் மெதடிஸ் த மிஸன் தமிழ் கலவன் மகா வித்தியாலயம் திருக்கோவில் பரமேஸ்வரா வித்தியாலயம், விநாயகபுரம் மகா வித்தியாலயம், ஆலையடிவேம்புக் கோட்டத்தைச் சேர்ந்த பெருநாவலர் வித்தியாலயம் என்பன நேற்று முன்தினம் 14.02.2013 இல் மூடப்பட்டிருந்தன.

மொத்தமாக மூடப்பட்டிருந்த 08 பாடசாலைகளில் திருக்கோவில் மெதடிஸ், திருக்கோவில் பரமேஷ்வரா வித்தியாலயம், விநாயகபுரம் மகா வித்தியாலயம், ஆலையடிவேம்பு கோட்டத்தைச் சேர்ந்த பெருநாவலர் வித்தியாலயம் முதலியன வெள்ள நீர் முற்றாக வடியாத காரணத்தினால் நேற்றும் மூடப்பட்டிருந்தது என்று வலயக் கல்விப் பணிப்பாளர் கூறினார். தற்போது காலநிலை சீரடைந்து காணப்படுவது குறிப்பிடத்தக்கது.

by **ansar hayath** Sat 16 Feb 2013 - 11:54

:pale: :pale:

கிழக்கில் தொடர்கிறது அடைமழை, வெள்ளம்:

கிழக்கில் தொடர்கிறது அடைமழை, வெள்ளம்:

Re: கிழக்கில் தொடர்கிறது அடைமழை, வெள்ளம்: