ரஷ்யாவில் மழைபோல் வீழ்ந்த விண்கற்களால் 400 பேர் காயம்

வானில் தீப்பிழம்பு! பாரிய வெடிப்பு சத்தம்!
ரஷ்யாவில் மழைபோல் வீழ்ந்த விண்கற்களால் 400 பேர் காயம்
உலகம் அழியப்போவதாக அச்சம்; மக்கள் அல்லோலகல்லோலம்
ரஷ்யாவின் ஊரல்ஸ் பிராந்திய மலைப் பகுதியில் விண் கற்கள் விழுந்துள்ளன. நேற்று காலை விண் கற்கள் விழுந்ததால் சுமார் 400 பேர் வரையில் காயம டைந்துள்ளனர்.

விண்கற்கள் பூமியை நோக்கி வந்ததால் ஏற்பட்ட அதிர்வுகளால் பாரிய வெடிப்புக்கள் இடம் பெற்றுள்ளன. கட்டடங்களின் கண்ணாடிகள் நொறுங்கியதாலேயே சுமார் 400 பேரும் காயம டைந்திருப்பதாகவும் தெரிய வருகிறது. வெள்ளிக் கிழமை காலை முதல் அப் பிரதேசமெங்கும் மிகவும் அசாதாரண சூழ்நிலையே காணப்பட்டது.

தம்மைச்சூழ என்ன நடக்கிற தென்பதை புரிந்துகொள்ள முடியாதவர்களாக அப்பகுதி மக்கள் தவித்தனர். அனைவரும் தமக்கு தெரிந்த வீட்டுக்கு வீடு ஓடி மக்கள் பாதுகாப்புடன் இருக்கிறார்களா என்பதை உறுதிப்படுத்திக்கொண்டனர்.

இந்தக் கிராமம் ரஷ்யாவின் தலைநகரான மொஸ்கோவிலிருந்து 1500 கிலோ மீற்றர் தொலைவில் அமைந்துள்ளது. அக்கி¡ரமவாசி ஒருவர் கூறுகையில், “வானத்தில் திடீரென பாரிய ஒளிப்பிழம்பு ஒன்று தோன்றுவதை நான் அவதானித்தேன். அது என்னவென்று பார்ப்பதற்காக வெளியே ஓடிக்சென்ற போது பாரிய இடிச் சத்தம் ஒன்று கேட்டது” என இந்நபர் எசோசியேட்டட் செய்திச் சேவைக்குத் தெரிவித்தார்.

மேலும் பல வயோதிப பெண்மணிகள், உலகம் அழியப்போவதாக கூக்குரல் இட்ட வண்ணம் அல்லோலகல்லோலப் பட்டு திரிந்துள்ளனர். இதேவேளை சில விண் கற்கள், விண்கல்லின் துகள்கள் செர்பாக்குள் நகரை அண்மித்த நீர்த்தேக்கங்களில் விழுந்துள்ளன. இருப்பினும் இதன் துகள்களால் நேரடியாக தாக்கமுற்றவர்கள் குறித்து இதுவரை எவ்வித தகவல்களும் கிடைக்கவில்லையென அப்பிராந்தியத்துக்குப் பொறுப்பான ஆளுநர் அலுவலகம் தெரிவித்தது.

காயமடைந்த 400 பேரும் மருத்துவ சிகிச்சை பெற்று கொண்ட அதேவேளை, அவர்களுள் மூவர் கவலைக்கிடமான நிலையில் ஆஸ்பத்திரியில் அனுமதிக்கப்பட்டுள்ளார்களென உள்துறையமைச்சின் பேச்சாளர் வடிம் கொலஸ்திக்கொவ் தெரிவித்தார். இவர்கள் அனைவரும் கண்ணாடி வெட்டுக் காயங்களாலேயே பாதிக்கப்பட் டுள்ளனரென்பது உறுதியாகியுள்ளது.

தினகரன்.

வருத்தமான விசயம்

:pale: