சூரியனைக் கண்டாலே உற்சாகம்!

புகைப்படம்எடுக்கப்படுவதில்லை...உருவாக்கப்படுகிறது! - இதுதான் நான் போட்டோகிராபியில் கற்ற முதல் பாடம் என்கிறார் சென்னையில் பிறந்து வளர்ந்த சுபாஷிணி ஸ்ரீகுமார்.

சிறுவயதிலிருந்தே சூரிய ஒளி மீதும் வண்ணங்களின் மீதும் ஆர்வம் இருந்தாலும், கேமராவைத் தொட்டுத் தூக்கியதே இரண்டு வருடங்களுக்கு முன்புதான் என்பதை நம்புவது சிரமமாக இருக்கிறது - சுபா எடுக்கிற படங்களைப் பார்க்கும் போது!

வெளிப்புறங்களில் நிறைய ஒளிப்படங்கள் எடுத்திருந்தாலும் கூட இன்டோர் போட்டோகிராபியிலேயே இவருக்கு அதிக லயிப்பு. அதில் ஒளியைக் கையாளுவது சவாலான விஷயம். பொதுவாகவே எல்லாவற்றிலும் நேர்த்தியை எதிர்பார்க்கும் தன் இயல்பே, தனது படங்களிலும் ஒரு இயல்பான தாக்கத்தை ஏற்படுத்தி இருப்பதாக நினைக்கிறார் சுபா. அதிகாலையில் சூரிய ஒளியைப் பார்க்கும்போதெல்லாம் கேமராவைத் தேடுமாம் இவரது மனம்.
எப்போதும் ஒளி மற்றும் ஃப்ரேமிங்கில் மிக கவனமாக இருப்பது சுபாவின் வழக்கம். ‘‘என் வீட்டின் மீதான நேசம் எனது ஒளிப்படங்களிலும் பிரதிபலிக்கின்றன. வாழ்க்கையில் சின்னச் சின்ன விஷயங்களிலும் அக்கறை செலுத்துகிற குணமும், நம்மைச் சுற்றி நிகழும் ஒவ்வொன்றையும் ரசிக்கிற மனோபாவமும் கூட புகைப்படங்களின் கருக்களுக்கும் நேர்த்திக்கும் காரணிகள் என நம்புகிறேன்’’ என்கிற சுபா, தொடக்கத்தில் கேனன் டிஜிட்டல் கேமராவையே பயன்படுத்தி வந்திருக்கிறார்.

இப்போது நிகான் ரூ5100க்குத் தாவி விட்டார். சில மாதங்களுக்கு முன் வைட் ஆங்கிள் லென்ஸ் மற்றும் 35னீனீ லென்ஸ் வாங்கி, அடுத்த கட்டத்துக்குத் தன் கேமராவை நகர்த்தியிருக்கிறார். “புகைப்படக்கலையில் பல பிரிவுகள் இருந்தாலும், என்னை ஈர்ப்பது அழகுணர்ச்சியை வெளிப்படுத்தும் படங்களே. நான் எடுக்கும் படங்களில் ஒன்றுகூட பார்ப்பவர் மனதை வாடச் செய்யவோ, சோக உணர்ச்சியை எழுப்பும்படி இருக்கவோ கூடாது என்பதில் தனிக்கவனம் செலுத்துவேன்.

ஃப்ளிக்கர் இணைய தளத்தில் மற்றவர்கள் எடுக்கிற படங்களை ஆழ்ந்து கவனித்துக் கற்றுக்கொள்ளவே எனக்கு 6 மாதங்கள் ஆனது. அதன் பிறகே என் படங்களை அத்தளத்தில் பதிவேற்றினேன். ஃப்ளிக்கர் நண்பர்கள் அளித்த ஊக்கமும் உற்சாகமுமே என்னுள் இருந்த புகைப்படத் திறனை வெளிக் கொண்டு வந்தன. என் ஆர்வத்தை அதே அளவு ஆர்வத்துடன் உற்சாகப்படுத்திய கணவரும் பெரிய பக்க பலமாக இருந்தார்.

அன்றாட வாழ்வில், என் வீட்டிலேயே நான் பார்க்கும் காட்சிகளை, என் மனதில் அந்த நொடியில் தோன்றும் எண்ணத்தின் அடிப்படையில் பதிவு செய்வது பிடித்தமான விஷயம். இயல்பான அழகுணர்ச்சியும் விடாமுயற்சியும் ஒரு நல்ல புகைப்படம் எடுக்க இன்றியமையாதது. துறை குறித்து நிறைய புத்தகங்கள் படிப்பதும் அவசியமானது” என அனுபவங்களைப் பகிர்கிறார் சுபா.

பத்துக்கும் அதிகமான இவரது படங்கள் ஃப்ளிக்கரில் ‘எக்ஸ்ப்ளோர்’ ஆகியிருப்பதும், இவர் எடுத்த சில படங்களை Getty Images தேர்ந்தெடுத்து விற்பனைக்கு வைத்திருப்பதும், சுபாவின் படைப்பாற்றலுக்குக் கிடைத்த அங்கீகாரங்கள். “நான் புகைப்படங்களை நேசிப்பதற்கு முக்கிய காரணம், அவை எனக்கு சந்தோஷத்தைக் கொடுப்பதுதான்” என மகிழ்ச்சி பொங்கச் சொல்லும் சுபாவின் ஒளிப்படங்களை இங்கே ரசிக்கலாம்...

வாவ்..அப்ப சூரியனை பார்த்திக்கொண்டே இருப்பேன்..
நல்ல யோசனை தம்பி...

அச்சலா wrote:வாவ்..அப்ப சூரியனை பார்த்திக்கொண்டே இருப்பேன்..
நல்ல யோசனை தம்பி...

சூரியனை பார்த்திருந்தால் சேனையில் உலா வர முடியாது அதனால் இங்கு வாருங்கள்.

*சம்ஸ் wrote:

அச்சலா wrote:வாவ்..அப்ப சூரியனை பார்த்திக்கொண்டே இருப்பேன்..
நல்ல யோசனை தம்பி...

சூரியனை பார்த்திருந்தால் சேனையில் உலா வர முடியாது அதனால் இங்கு வாருங்கள்.

சூரியனை பகைத்துக்கொள்ள கூடாது..அப்பரம் இருளில் இருக்க நான் வரல..
நான் ஒரு சூரியனைப்போன்று என்றும் ஒளிரும் ஒரு அற்புத பெண்...