சவூதி அரேபியாவில் 7 பேரை சிலுவையில் அறைந்தும், சுட்டுக்கொன்றும் தண்டனை நிறைவேற்றம்

by *சம்ஸ் Wed 6 Mar 2013 - 8:02

ரியாத், மார்ச் 6-

சவூதி அரேபியாவில் 2004 மற்றும் 2006ம் ஆண்டிற்கிடையில் கொள்ளை, வழிப்பறி, திருட்டு ஆகிய குற்றச்செயல்களில் ஈடுபட்ட 7 பேரை சிலுவையில் அறைந்து சுட்டுக்கொல்லும் தண்டனை நேற்று நிறைவேற்றப்பட்டது. இந்த குற்றச்சம்பவங்களில் ஈடுபட்டவர்களில் சரிபாதி பேர் சம்பவத்தின் போது சிறுவர்களாக இருந்தவர்கள் என்பது குறிப்பிடத்தக்கது.

23 பேரை கொண்ட நகைக் கடை கொள்ளைக் கூட்டத்தை வழிநடத்தி வந்த தலைவனும் முக்கிய குற்றவாளியுமான சர்ஹான்-அல்-மஷாயே என்பவனை சிலுவையில் அறைந்து 3 நாட்களுக்கு தொங்கவிடவும், மற்ற 6 நபர்களை சுட்டுக்கொல்லவும் சவூதி அரேபியா நீதிமன்றம் முன்னர் உத்தரவிட்டிருந்தது. அந்த தண்டனைகள் நேற்று நிறைவேற்றப்பட்டன.

துப்பாக்கியால் சுட்டுக்கொல்லப்படும் தண்டனைக்கு உள்ளாகிய நசீர்-அல்-கதானி என்பவனுக்கு தற்போது 24 வயது ஆகிறது. இந்த தண்டனை குறித்து அவன் கூறியதாவது:-

நான் யாரையும் கொலை செய்யவில்லை. நாங்கள் நகைக் கடையை கொள்ளையடித்தபோது என் கையில் ஆயுதங்கள் ஏதுமில்லை. ஆனால், என்னை போலீசார் அடித்து, உதைத்து துன்புறுத்தினார்கள். என் தாயையும் சித்ரவதை செய்யப்போவதாக என்னை பயமுறுத்தி, அப்போது 15 வயது சிறுவனாக இருந்த நான் ஆயுதம் வைத்திருந்ததாக என்னிடம் வாக்குமூலம் வாங்கி, கோர்ட்டில் மரண தண்டனை பெற்று தந்துவிட்டனர்.

இவ்வாறு அவன் கூறினான்.
மாலைமலர்