பிள்ளையை பராமரிப்பதற்கான ஜீவனாம்சத்தை அதிகரித்துத் தருக

பிள்ளையை பராமரிப்பதற்கான ஜீவனாம்சத்தை அதிகரித்துத் தருக
கிரிக்கெட் வீரர் டில்ஷானின் முன்னாள் மனைவி நீதிமன்றத்தில் மனு
ரன்ஜித் பத்மசிரி
தன்னுடைய பிள்ளைக்கு வழங்கும் பராமரிப்புச் செலவை அதிகரித்துத் தருமாறு கோரி விவாகரத்து பெற்ற மனைவி தாக்கல் செய்த வழக்கினை நீதிமன்றத்தில் ஆஜரான இலங்கை கிரிக்கெட் அணி முன்னாள் தலைவர் திலகரத்ன டில்ஷானை 50,000 ரூபா சரீரப் பிணையில் விடுவிக்குமாறு கொழும்பு மேலதிக மாஜிஸ்ரேட் டிக்கிரி ஜயதிலக்கா நேற்று (6) உத்தரவிட்டார். தமது வழக் கறிஞர்களுடன் டில்ஷான் ஆஜரானார். பிள்ளையின் கல்வி மற்றும் பராமரிப் புக்கான செலவீனங்களுக்காக 1,25,000 ரூபா பணம் மனைவி தரப்பில் கோர ப்பட்டது. தற்போது 20,000 ரூபா மட்டுமே கிடைக்கிறது. இது போதாது என சட்டத்தரணி ஜயன் விக்ரமநாயக்கா தெரிவித்தார்.

டில்ஷான் சார்பில் ஆஜரான சட்டத்தரணி சாலிய பீரிஸ், இருவரும் சட்டபூர்வமாக விவாகரத்து பெற்றுள்ளனர். இதனால் இவ்வாறு ஜீவனோபாய பணத்தை அதிகரிக்க கோர உரிமை இல்லை. பிள்ளையின் கல்வி மற்றும் நடவடிக்கைகளுக்காக செலவீனமாக நியாயமான ஒரு தொகை பணத்தை கொடுக்க சம்மதம் எனக் கூறினார்.

இதற்காக கோரிக்கை வகுக்க வேண்டுமென சட்டத்தரணி பீரிஸ் மேலும் தெரிவித்தார். இக்கோரிக்கை தொடர்பாக இருதரப்பினரும் கலந்துபேசி இணக்கப்பாட்டுக்கு வந்து எதிர்வரும் 27 ஆம் திகதி நீதிமன்றத்தில் கருத்துக்களை அறிக்கை செய்யுமாறு மேலதிக மாஜிஸ்ரேட் ஜயதிலக்கா உத்தரவிட்டார். (எப். எம்.)