இலங்கை தமிழர்களுக்கு ஆதரவாக கோயம்பேடு மார்க்கெட்டில் 6 ஆயிரம் கடைகள் மூடப்பட்டன

சென்னை, மார்ச். 19-

இலங்கை தமிழர் பிரச்சினையில் போர் குற்றம் புரிந்த அதிபர் ராஜபக்சேவை கண்டித்து தமிழ்நாடு முழுவதும் போராட்டம் தீவிரம் அடைந்து வருகிறது அரசியல் கட்சிகள் மட்டுமின்றி மாணவர் சமுதாயத்தினர், தமிழ் உணர்வு ஆர்வலர்களும் போராட்டத்தில் ஈடுபட்டுள்ளனர்.

இந்த போராட்டத்தில் தற்போது வியாபாரிகளும் இறங்கி உள்ளனர். சென்னை கோயம்பேடு மார்க்கெட்டில் உள்ள வியாபாரிகள் இலங்கை தமிழர்களுக்கு ஆதரவாக இன்று கடையடைப்பு போராட்டம் நடத்துவதாக தெரிவித்திருந்தனர். அதன்படி இன்று காலையில் மார்க்கெட்டில் உள்ள அனைத்து கடைகளும் அடைக்கப்பட்டிருந்தன.

கோயம்பேடு காய்கறி மார்க்கெட்டில் 3500 கடைகள், பழ மார்க்கெட்டில் 1500 கடைகள் பூ மார்க்கெட்டில் 1000 கடைகள் அனைத்தும் முழுமையாக அடைக்கப்பட்டிருந்ததால் ஆட்கள் நடமாட்டமின்றி மார்க்கெட் வெறிச்சோடி கிடந்தது. வெளியூர்களில் இருந்து காய்கறி, பழம், பூ ஏற்றி வரும் லாரிகளும் இன்று நிறுத்தப்பட்டு விட்டது.

வியாபாரிகள் கடையடைப்பு போராட்டம் குறித்து மார்க்கெட்டில் பல இடங்களில் நோட்டீஸ் ஒட்டப்பட்டிருந்தது. கடையடைப்பில் ஈடுபட்ட வியாபாரிகள் இன்று காலை பழ மார்க்கெட் அருகே ஒன்று திரண்டு கண்டன ஆர்ப்பாட்டமும் நடத்தினர். இலங்கை அதிபர் ராஜபக்சேவை கண்டித்து ஆர்ப்பாட்டத்தில் வியாபாரிகள் ஆவேசமாக முழக்கமிட்டனர்.

நானும் தமிழன் என்பதில் பெருமைப்படுகிறேன் ~/