2ஜி ஸ்பெக்ட்ரம் விவகாரம்: பாராளுமன்ற கூட்டுக்குழு அறிக்கை மே முதல் வாரத்தில் தாக்கல்

புதுடெல்லி, மார்ச். 24-

2ஜி ஸ்பெக்ட்ரம் ஒதுக்கீட்டுக் கொள்கை, விலை நிர்ணயம் பற்றி ஆராய காங்கிரசை சேர்ந்த பி.சி. சாக்கோ தலைமையில் பாராளுமன்ற எம்.பி.க்கள் 20 பேர், மேல்-சபை எம்.பி.க்கள் 10 பேரை கொண்ட பாராளுமன்ற கூட்டுக்குழு அமைக்கப்பட்டது.

கடந்த மாதம் ஆ.ராசா, எனது தரப்பு விளக்கத்தை பாராளுமன்ற கூட்டுக்குழு முன்பு பதிவு செய்ய விரும்புகிறேன் என்று சபாநாயகர் மீராகுமாருக்கு ஒரு கடிதம் எழுதினார். ஆனால் ஆ.ராசாவை விசாரணைக்கு அழைக்க வேண்டிய அவசியம் இல்லை என்று கூட்டுக்குழு தலைவர் பி.சி.சாக்கோ கருத்து தெரிவித்தார்.

ஆனால் பா.ஜனதா, கம்யூனிஸ்டு உறுப்பினர்கள் ஆ.ராசாவை பாராளுமன்ற கூட்டுக்குழு முன்பு ஆஜராக கண்டிப்பாக அழைக்க வேண்டும் என்று வற்புறுத்தி வருகிறார்கள்.

இதற்கிடையே தனது தரப்பு விளக்ககத்தை ஆ.ராசா ஒரு கடிதம் மூலம் பி.சி. சாக்கோவுக்கு தெரிவித்துள்ளார். இந்த நிலையில் கூட்டுக் குழு அறிக்கை தயாரிக்கும் பணி விரைவுபடுத்தப்பட்டுள்ளது.

இதுபற்றி பி.சி.சாக்கோ கூறுகையில், தற்போது 2ஜி அலைக்கற்றை வரைவு அறிக்கை தயாரிக்கும் பணி தொடங்கியுள்ளது. ஆ.ராசா தனது நிலையை 5 பக்க கடிதத்தில் விளக்கி யுள்ளார். இறுதி அறிக்கை தயாரிக்கப்படும்போது ஆ.ராசாவின் கடிதம் பரிசீலிக்கப்படும். இறுதி அறிக்கை மே மாதம் முதல் வாரத்தில் பாராளுமன்ற பட்ஜெட் கூட்டத் தொடரில் தாக்கல் செய்யப்படும் என்றார்.

2ஜி ஸ்பெக்ட்ரம் ஒதுக்கீட்டில் முறைகேடு விவகாரத்தில் மத்திய ம்திரி ப.சிதம்பரம், ஆ.ராசா ஆகியோரை கூட்டுக்குழு முன்பு அழைத்து விசாரிக்க வேண்டும் என்று பா.ஜனதா, கம்யூனிஸ்டு உறுப்பினர்கள் விடுத்த கோரிக்கை நிராகரிக்கப்பட்ட நிலையில் இறுதி அறிக்கை தயாரிக்கப்படும் என்ற தகவல் பா.ஜனதா, தி.மு.க., கம்யூனிஸ்டு கட்சிகளிடம் அதிருப்தியை ஏற்படுத்தியுள்ளது

இதுபற்றி பிரச்சினை எழுப்ப எதிர்க்கட்சிகள் திட்டமிட்டுள்ளன. கூட்டுக் குழுவில் உள்ள பா.ஜனதா உறுப்பினர்கள் ராஜினாமா முடிவை எடுக்க வாய்ப்புள்ளதாக அக்கட்சி வட்டாரங்கள் தெரிவித்தன.

அறிக்கை மட்டும் தான் தாக்கல் ஆகும் வேறு ஒன்றும் நடக்காது இதெல்லாம் ஒரு கண்துடைப்பு நாடகம்

Muthumohamed wrote:அறிக்கை மட்டும் தான் தாக்கல் ஆகும் வேறு ஒன்றும் நடக்காது இதெல்லாம் ஒரு கண்துடைப்பு நாடகம்

சரியாக சொன்னிங்க முத்துமுஹமட் :, :,

*சம்ஸ் wrote:

Muthumohamed wrote:அறிக்கை மட்டும் தான் தாக்கல் ஆகும் வேறு ஒன்றும் நடக்காது இதெல்லாம் ஒரு கண்துடைப்பு நாடகம்

சரியாக சொன்னிங்க முத்துமுஹமட் :, :,

@. @. @. @. @.