பேரியல் அஷ்ரப்பை பணி நீக்குமாறு பொதுபல சேனா அமைப்பு கோரிக்கை

by *சம்ஸ் Thu 28 Mar 2013 - 11:22

பேரியல் அஷ்ரப்பை பணி நீக்குமாறு பொதுபல சேனா அமைப்பு கோரிக்கை

சிங்கப்பூருக்கான இலங்கை உயர்ஸ்தானிகர் பேரியல் அஷ்ரப்பை பணி நீக்குமாறு பொதுபல சேனா அமைப்பு கோரிக்கை விடுத்துள்ளது.
பேரியல் அஷ்ரப் பௌத்த மதத்திற்கும், சிங்கள இனத்திற்கும் இழிவு ஏற்படும் வகையில் செயற்பட்டு வருவதாக அமைப்பின் பொதுச் செயலாளர் கலபொட்ட அத்தே ஞானசார தேரர் தெரிவித்துள்ளார்.

இலங்கை உயர்ஸ்தானிகர் என்ற வகையில் ஆற்றப்பட வேண்டிய கடமைகளையும் பொறுப்புக்களையும் பேரில் அஷ்ரப் உரிய முறையில் ஆற்றத் தவறியுள்ளார்.

அண்மையில் சிங்கப்பூரில் நடைபெற்ற சுதந்திர தின நிகழ்வுகளின் போது “சிங்கள எங்கள் நாடு” மற்றும் “எனது தேசம் – எனது இனம்” ஆகிய பாடங்கல்களை ஒளிபரப்புச் செய்ய பேரியல் அஷ்ரப் அனுமதிக்கவில்லை.

சிங்கள தமிழ் புத்தாண்டை, இலங்கை புத்தாண்டு எனப் பெயரிடமும், பொசோன் மற்றும் வெசாக் பௌர்ணமி தினங்களில் பௌத்த கொடிகளை ஏற்றக் கூடாது எனவும் பேரியல் கோரியுள்ளதாக கலபொட்ட அத்தே ஞானசார தேரர் குற்றம் சுமத்தியுள்ளார்.

நாட்டுக்கு களங்கம் ஏற்படும் வகையில் செயற்படுவோரை வெளிநாட்டு உயர்ஸ்தானிகராக நியமிக்கக் கூடாது என அவர் தெரிவித்துள்ளார்.