இந்தியாவில் விமான பயணம் மேற்கொள்ளும் பயணிகளுக்கு பாதுகாப்பை தரக்கூடிய பயணமாக விமான பயணம் இருக்கிறதா?

அடப்பாவிகளா...!!!

இந்தியா வல்லரசாகிறது இந்தியா ஒளிர்கிறது என்று அரசியல்வாதிகள் வீம்பிழைத்து அரசியல் பிழைப்பு நடத்தும் இந்திய திருநாட்டில்,விமான பயணம் மேற்கொள்ளும் பயணிகளுக்கு பாதுகாப்பை தரக்கூடிய பயணமாக அந்த விமான பயணம் இருக்கிறதா? என்று ’டயரக்டர் ஜெனரல் ஆப் சிவில் எவியேசனின் சேஃப்டி ஓடிட் ’ தரும் தகவல்களை வாசித்தால் இந்தியாவில் மேற்கொள்ளும் விமான பயணமும் இந்திய விமானங்களும் பயணிகளுக்கு எந்தளவிற்கு பாதுகாப்பு தருகிறது என்ற லட்சணத்தை தெரிந்து கொள்ளலாம்.

*மது அருந்திவிட்டு விமானத்தை இயக்கும் பைலட்டுகள்

*எரிபொருள் கசிந்து ஒழுகும் விமானங்கள்

*விமானம் பறப்பதற்கு முன்பு உள்ள பாதுகாப்பு சோதனைகளை மேற்கொள்ளாமல் விமானத்தை இயக்குதல்.இப்படியான குலை நடுங்க கூடிய பதிலை தகவல் பெறும் சட்டத்தின் மூலம் கேட்ட ஒருவருக்கு டி.ஜி.சி.எ பதிலாக தந்து இருக்கிறது.

*கடந்த மூன்று வருடங்களில் இந்திய விமானங்கள் நடுவானில் மோதிக்கொள்ளாமல் மயிரிழையில் தப்பித்த சம்பவங்களின் எண்ணிக்கை 72.

*ஒரு வருடத்திற்குள் விமானங்கள் ஓடுதளத்தை விட்டு தடம் மாறிய சம்பவங்களின் எண்ணிக்கை 12.

*மது அருந்தி விட்டு விமானத்தை இயக்கி, நடவடிக்கைகளுக்கு உட்படுத்தப்பட்ட விமானிகளின் எண்ணிக்கை 83.

சில வருடங்களுக்கு முன் மங்களாபுரம் விமான நிலையத்தில் தரை இறங்க
முற்பட்டு விபத்துக்குள்ளாகி முற்றிலும் தீப்பிடித்து 160 பயணிகள் இறக்க
காரணமான ஏர் இந்தியா எக்ஸ்பிரஸ் விமானத்தின் விமானி மது அருந்துவிட்டு
விமானத்தை இயக்கினார் என்பது குறிப்பிடத்தக்கது.

விமானம் மற்றும் விமான நிலைய பராமரிப்பு மற்றும் விமானிகள் நியமனம் மற்றும அவர்களின் நன்னடைத்தைகள் குறித்து ஆராய்ந்து பாதுகாப்பு ஏற்பாடுகளை மேற்கொள்ளும் துறையான டி.ஜி.சி.எ முறையான பாதுகாப்பு சோதனைகளுக்கு பல முறைமுன்னெடுத்து பணிகளை மேற்கொண்டு இருந்தாலும் இவர்கள் தரும் ஆலோசனைகளை செவிசாய்க்க பணியாளர்கள் முன்வருவதில்லை என்ற குற்றசாட்டும் பரவலாக எழுகிறது.

மேலும் இத்துறையில் 400 காலியிடங்களுக்கு பணியாளர்களை நியமிக்க 2009 ம் ஆண்டே உத்திரவிடப்பட்ட நிலையில் இன்றைய தேதிவரை அக்காலியிடங்களுக்கு பணியாளர்களை நியமிக்கவில்லை என்பதும் குறிப்பிடபட வேண்டிய முக்கிய செய்திகளில் ஒன்றாகும்...!!!

http://www.madhyamam.com/news/219193/130327

https://www.youtube.com/watch?v=LkjWm3AlC3A

இவ்வளவு பிரச்சினை உள்ளதா வேண்டாம் விமான பயணம்