விமான இயந்திரங்களின் முன்மாதிரி, தும்பிகள் (Dragonflies)

by *சம்ஸ் Sun 31 Mar 2013 - 10:12

விமான இயந்திரங்களின் முன்மாதிரி, தும்பிகள் (Dragonflies)

தண்ணீர் அதிகமாக உள்ள இடங்களில் தும்பிகள் அதிகமாக இருப்பதை காணலாம்.
இந்த படைப்பினத்தைப் பற்றி நீங்கள் முன்னரே தெரிந்திருந்தால் - அது அதிவேகமாக
பறப்பதையும், மிகத்துல்லியமாக திட்டமிட்டுச் செயலாற்றுவதையும் நீங்கள்
பார்த்திருக்கலாம். ஆனால் தும்பிகளைப் பற்றி அறியாதவர்களுக்காக, நாம் இந்த
படைப்பினத்தைப் பற்றி ஆய்வு செய்வோம்.

தும்பியின் தோற்றம் வானில் பறக்கும் ஒரு ஹெலிகாப்டரை போன்றிருக்கும். இந்தப்
பறவை பறந்து கொண்டிருக்கும்போதே. இது எத்தனை வேகமாக பறந்தாலும், அல்லது
எந்தத் திசையில் பறந்து கொண்டிருந்தாலும், பறந்து கொண்டிருக்கும் அதே வேகத்தில்
- அது பறந்து கொண்டிருக்கும் எதிர்த்திசைக்கு சட்டென்று திரும்பும் திறமை
கொண்டது. இது எந்த அளவுக்கு எனில், திரும்பிய அதே வேகத்தில் தனது இறையைத்
பிடிப்பதற்காக அந்தரத்தில் அசையாமல் காத்திருக்கும் அளவுக்கு திறமை கொண்டவை
தும்பிகள். இந்த செயலை செய்வதற்காக வல்ல அல்லாஹ் அவைகளுக்கு
வழங்கியிருக்கும் மிக வேகமாக அசையக்கூடிய இறக்கைளுக்காக, அவைகள் வல்ல
அல்லாஹ்வுக்கு நன்றி செலுத்த வேண்டும். மேலும் அந்தரத்தில் அசையாமல் இருக்கும்
தும்பிகள் தங்களது இறையை கண்டதும் பாய்ந்து சென்று பிடிப்பதிலும் திறமையானவை.
இந்த செயல்திறன்கள், தும்பிகள் கொண்டிருக்கும் செயல்திறனில் ஒருசில
மாத்திரம்தான். தும்பிகளின் இந்த செயல்திறன் - இன்றைய முன்னேற்றமடைந்த
தொழிற்நுட்பத்தில் விண்ணில் பறக்கும் சிறந்த ஹெலிகாப்டர்களை உருவாக்குவதற்கு -
மனிதர்களுக்கு உருதுணையாக இருந்தது என்றால் ஆச்சரியமல்ல.
தும்பிகளின் உடலமைப்பு பல இரும்பு வளையங்களை ஒன்றிணைத்து உருவாக்கப்பட்ட
நீளமான இரும்புக் கம்பியைப் போன்று தோற்றமளிக்கும். கருஞ்சிவப்பு, மற்றும் வெளிர்நீல
வண்ணங்களில் காணப்படும் தும்பியினம், தங்களது உடலில் இரண்டு ஜோடி
இறக்கைகளை கொண்டுள்ளன. இறக்கைகளில் ஒரு ஜோடி தும்பியின் பின் பகுதியிலும்,
மற்றொரு ஜோடி முன்பகுதியிலுமாக அமைந்துள்ளன. தும்பி பறந்து செல்லும்போது
அதன் முன்பகுதியில் அமைந்திருக்கும் இறக்கைகள் மேல் நோக்கியும், பின்பகுதியில்
அமைந்திருக்கும் இறக்கைகள் கீழ் நோக்கியும் அசைகின்றன.

இன்றைய தொழிற்நுட்பத்தை பயன்படுத்தி வடிவமைக்கப்பட்ட போர்முனை
ஹெலிகாப்டர்கள் (Sikorsky) தும்பியினத்தின் இறக்கைகளை முன்மாதிரியாகக் கொண்டே
வடிவமைக்கப்பட்டன. முதலில் தும்பியின் உருவப்படம் ஒன்று கம்யூட்டரில் பதிவு
செய்யப்பட்டது. அதன் பின் வானில் தும்பிகள் பறக்கும் செயல்கள் அனைத்தையும்
கவனத்தில் கொள்ளவென ஏரத்தாள இரண்டாயிரம் வரைபடங்கள் கம்யூட்டரின்
உதவியால் உருவாக்கப்பட்டது. இந்த ஆய்வின் முடிவில், இராணுவ வீரர்களையும்
அவர்களுக்குத் தேவையானவற்றையும் ஏற்றிச்செல்லும் வகையில் பலமும் திறமையும்
வாய்ந்த, முற்றிலும் சிறந்த முறையில் - இன்றைய போர்முனைகளில் பயன்படுத்தப்படும்
போர்முனை ஹெலிகாப்டர்கள் உருவாக்கப்பட்டன.

எப்போதாவது நீங்கள் தும்பியின் கண்களை கவனித்திருக்கிறீர்களா? தும்பியினம் மிகவும்
துல்லியமான பார்வைத்திறனை கொண்டுள்ளன. பூச்சியினங்களில் தும்பியினங்களே மிகச்
சிறந்த பார்வைத்திறனை கொண்டுள்ளவை என விஞ்ஞானிகள் கருத்துத்
தெரிவித்துள்ளனர். தும்பியின் ஒரு ஜோடி கண்கள், ஒவ்வொன்றும் முப்பதாயிரம்
'லென்ஸ்'; களை கொண்டுள்ளன. தும்பிகளின் தலையில் பாதியை அடைத்து, இரண்டு
அரைவட்ட வடிவில் உள்ள கண்கள் இரண்டும், தம்மைச் சுற்றியுள்ளத் திசைகளைப்
பார்ப்பதற்கு வசதியாக அமைந்துள்ளன. இதன் பயனாகத் தும்பிகள் முன்னோக்கி பறந்து
கொண்டிருக்கும்போதே, தமக்கு பின் பகுதியில் நடப்பவற்றையும் பார்க்கும் வசதியும்
இவைகளுக்கு உண்டு. தும்பிகள் கொண்டிருக்கும் சிறப்பியல்புகளில் ஒரு சிலவற்றை
மட்டும் மிகவும் சுருக்கமாக நாம் இங்கு நமது ஆய்வு செய்துள்ளோம்.

தும்பிகள் கொண்டிருக்கும் இந்த சிறப்பியல்புகள், குறிப்பாக அவைகளின் இறக்கைகளின்
அமைப்புகள் அவைகளிடம் இல்லாமலிருந்தால், அந்தரத்தில் பறந்து
கொண்டிருக்கும்பொழுதே சட்டென எதிர்த்திசையில் திரும்பி தும்பிகள் தங்களது
இறையைப் பிடிக்க இயலுமா? எல்லாத் திசைகளிலும் பார்க்கக்கூடிய விதத்தில் தும்பிகள்
கொண்டிருக்கும் கண்களின் அமைப்புகள், அவைகளுக்கு இல்லாமலிருந்தால், தும்பிகள்
தங்களது எதிரிகளிடமிருந்து தப்பிக்க முடியுமா?

தும்பிகள் கொண்டிருக்கும் ஒன்றொடொன்று தொடர்புடைய இந்த சிறப்பியல்புகளில்
ஏதேனும் ஒன்று அவைகளிடம் இல்லையென்றாலும், அவைகள் கொண்டிருக்கும் மற்ற
சிறப்பியல்புகள் அவைகளுக்கு பயனின்றி போயிருக்கும். ஆயினும் தும்பிகள் குறைவின்றி
செயல்படும் வகையில் எல்லா சிறப்பியல்புகளையும் கொண்டே படைக்கப்பட்டிருக்கிறது.
வல்ல அல்லாஹ் உலகில் உள்ள எல்லாப் படைப்புகளையும் படைத்தது போன்று
தும்பிகiளையும் எந்தவித குறைவுமின்றி முழுமையான படைப்பாகப் படைத்தான்.
தும்பிகளும் அல்லாஹ்வின் எல்லையற்ற படைப்பாற்றலையும், அளவிலா அறிவாற்றலையும்
மனித குலத்திற்கு அறிவிக்கும் அத்தாட்சிகளில் ஒன்றாக இவ்வுலகில் வாழ்ந்து
வருகின்றன.

படைப்பாளன் அல்லாஹ், அருள்மறை குர்ஆனிலே கூறுகிறான்:

வானங்களையும் பூமியையும் படைத்தவன், அவர்களைப் போன்றவர்
களைப் படைக்கச் சக்தியற்றவனா? ஆம். (சக்தியுள்ளவனே!) மெய்யாகவே அவனே (பல வகைகளையும்) படைப்பவன். யாவற்றையும் நன்கறிந்தவன். எப்பொருளையேனும் அவன் (படைக்க) நாடினால், அதற்கு அவன்கட்டளையிடுவதெல்லாம்: 'குன்' (ஆகிவிடுக) என்று கூறுவது தான். உடனே அது ஆகிவிடுகிறது. ஆகவே எல்லாப் பொருட்களின் ஆட்சியும் எவன் கையிலிருக்கிறதோ அவனே மகத்தூய்மையானவன். அவனிடமே நீங்கள் மீள்விக்கப் படுவீர்கள். (அருள்மறை குர்ஆனின் 36வது அத்தியாயம் - ஸூரத்துல் யாஸீன் - 81 - 82 - 83 ஆம் வசனங்கள்)

நன்றி முகநூல்