அரபு நாடுகளின் உல்லாச பயணிகளை அச்சுறுத்தும் பிரசாரங்கள் முறியடிப்பு

நுவரெலியாவில் ஏப்ரல் மாத வசந்த காலங்களை கழிக்கவென அரபு நாடுகளிலிருந்து இலங்கை வந்துள்ளவர்களை பயமுறுத்தும் வகையில் சிலர் பிரசாரங்களை முன்னெடுத்துள்ள போதும், ஜனாதிபதியின் உறுதிமொழிகளால் அப்போலி பிரசாரங்கள் முறியடிக்கப்பட்டுள்ளதாக பாராளுமன்ற உறுப்பினர் ஏ. எச். எம். அஸ்வர் தெரிவித்தார்.

நுவரெலியாவில் ஏப்ரல் வசந்த கால விடுமுறையை கழிக்க அரபு நாடுகளில் இருந்து ஏராள மானோர் இலங்கை வந்துள்ளனர்.

இவர்கள் நுவரெலியா செல்லக்கூடாது. அங்கு முஸ்லிம்கள் சென்றால் தாக்கப்படுவார்கள். குழப்பங்களை உருவாக்கும் என்றெல்லாம் தீய சக்திகள் விஷமப் பிரசாரங்களில் ஈடுபட்டுள்ளனர்.

ஜனாதிபதி மஹிந்த ராஜபக்ஷ சிங்கள பெளத்த மக்களினதும் இலங்கையில் வாழ்கின்ற தமிழ், முஸ்லிம் மக்களினதும் பாதுகாவலன் நானே என திட்டவட்டமாகக் கூறியுள்ளதால், இப்போலி பிரசாரங்கள் முறியடிக்கப்பட்டு விட்டதாக பாராளுமன்றப் பேரவை உறுப்பினரும் பாராளுமன்ற உறுப்பினருமான ஏ. எச். எம். அஸ்வர் தெரிவித்தார்.

மெதமூலன கிராமத்துக்கு அருகாமையில் உள்ள யக்கஸ்முல்லவில் அஹதிய்யாப் பாடசாலையின் வெள்ளி விழாக் கொண்டாட்டத்தில் பேசுகையிலே அவர் இதனைத் தெரிவித்தார்.

சபாநாயகர் சமல் ராஜபக்ஷவை பிரதிநிதித்துவப்படுத்தி இவ்விழாவில் அஸ்வர் எம்.பி. கலந்துகொண்டார்.

மாலைதீவில் கலாசார விழாவில் கலை, கலாசார அமைச்சர் ரீ. பீ. ஏக்கநாயக்கவைப் பிரதிநிதித்துவப்படுத்தி விட்டு நாடு திரும்பிய அஸ்வர் எம்.பி. உடன் யக்கஸ்முல்லவுக்குச் சென்றார்.

அஹதிய்யா தலைவர் ஏ. எம். எம். நkர் தலைமையில் நடைபெற்ற இவ்விழாவில் தொடர்ந்து பேசிய அஸ்வர் எம்.பி. :-

சமுதாயத்தைக் கூறுபோட்டு குழப்ப நிலையை உருவாக்குவதன் மூலம் சமூக நல்லெண்ணத்துக்கு குந்தகம் விளைவிக்கவே தீய சக்திகள் பாடுபட்டு வருகின்றன.

முஸ்லிம்களுக்கு எதிர்ப்பை தெரிவிப்பவர்களின் பின்னணி குறித்து நாம் விழிப்பாக இருக்க வேண்டும்.

பெபிலியான சம்பவத்தில் தமக்கு சம்பந்தம் இல்லை என்று பொதுபலசேனா அறிக்கை வெளியிட்டுள்ளது.

அவ்வாறானால் இதனைச் செய்பவர்கள் யார்? அரசியலில் தூக்கி எறியப்பட்ட, டொலர்களுக்கு தலையாட்டும் கும்பலே தான் இத்தகைய நாசகார முயற்சிகளை மேற்கொள்கின்றது என்றும் தெரிவித்தார்.

கலாசார நிலையத் தலைவர் எம். எச். எம். லியா, ஜனாதிபதியின் இஸ்லாமிய விவகார இணைப்பாளர் ஹஸன் மெளலானா, பொருளாளர் ஸாஹிர் மாஸ்டர், அஹதிய்யா அமைப்பின் தலைவர் ஏ. எல். எம். அஸ்வர் உட்பட பலர் இதில் பங்குபற்றினர்.

ஹம்பாந்தோட்டை மாவட்ட எம்.பி. நாமல் ராஜபக்ஷ மாணவர்களுக்கு சீருடைகளை அன்பளிப்பு செய்திருந்தார்.

யக்கஸ்முல்ல கலாசார நிலையத்துக்கும் அஸ்வர் எம்.பி. பன்முக வரவு செலவுத் திட்ட ஒதுக்கீட்டிலிருந்து நிதி உதவி வழங்கினார்.

தினகரன்

வசந்த காலத்தை முன்னிட்டு வருகை தரும் உள்நாட்டு,
வெளிநாட்டு உல்லாசப் பயணிகளின் வசதி கருதி பல்வேறு
விதமான வசதிகள் செய்யப்பட்டுள்ளதாம்
-
எதிர்வரும் 14ம், 15ம் திகதிகளில் மோட்டார் ஓட்டப் போட்டியும்,
படகோட்டப்போட்டியும், 16ம் திகதி துவிச்சக்கர வண்டியில்
மலையேறும் போட்டியும், சேற்றில் ஜீப் ஓட்டும் போட்டியும்,
18ம் திகதி மலர் கண்காட்சி ஆரம்ப நாள் நிகழ்வும்,
19ம் திகதி மலர் கண்காட்சி பரிசளிப்பு விழாவும், 20ம் திகதி

மோட்டார் ஓட்ட போட்டியும், இவை தவிர நாள் தோறும்
இலங்கையின் பிரபல குழுக்கள் பங்கு பற்றும் இசை நிகழ்ச்சியும்
இடம்பெறவுள்ளனவாம்
-
----------------------------------

rammalar wrote:வசந்த காலத்தை முன்னிட்டு வருகை தரும் உள்நாட்டு,
வெளிநாட்டு உல்லாசப் பயணிகளின் வசதி கருதி பல்வேறு
விதமான வசதிகள் செய்யப்பட்டுள்ளதாம்
-
எதிர்வரும் 14ம், 15ம் திகதிகளில் மோட்டார் ஓட்டப் போட்டியும்,
படகோட்டப்போட்டியும், 16ம் திகதி துவிச்சக்கர வண்டியில்
மலையேறும் போட்டியும், சேற்றில் ஜீப் ஓட்டும் போட்டியும்,
18ம் திகதி மலர் கண்காட்சி ஆரம்ப நாள் நிகழ்வும்,
19ம் திகதி மலர் கண்காட்சி பரிசளிப்பு விழாவும், 20ம் திகதி

மோட்டார் ஓட்ட போட்டியும், இவை தவிர நாள் தோறும்
இலங்கையின் பிரபல குழுக்கள் பங்கு பற்றும் இசை நிகழ்ச்சியும்
இடம்பெறவுள்ளனவாம்
-
----------------------------------

@.