தானே கட்டிட விபத்து: பலி எண்ணிக்கை 58 ஆக உயர்வு-இரு அதிகாரிகள் சஸ்பெண்ட்

by *சம்ஸ் Sat 6 Apr 2013 - 7:49

தானே, ஏப். 6-

மும்பை தானே பகுதியில் கட்டப்பட்டு வந்த 7 அடுக்கு மாடிக் கட்டிடம் நேற்றுமுந்தினம் இடிந்து விழுந்தது. இதில் 4 அடுக்குகள் வரையில் குடியிருந்த மக்கள் இடிபாடுகளில் சிக்கிக்கொண்டனர்.

அதில் சம்பவ இடத்திலும் மருத்துவமனையில் என மொத்தம் இதுவரை 58 பேர் உயிரிழந்துள்ளனர். மேலும் இன்னும் 20 பேரை காணவில்லை. சம்பவம் நடந்து 24 மணிநேரங்களுக்கு பிறகும் இன்னும் அங்கு சிலர் அதிர்ஷ்டவசமாக உயிருடன் மீட்கப்பட்டு வருகின்றனர்.

பலத்த காயங்களுடன் சிகிச்சை பெறுவோரில் சிலரின் நிலைமை கவலைக்கிடமாக உள்ளதால் இறப்பு எண்ணிக்கை அதிகரிக்க அஞ்சப்படுகிறது.

இந்த விபத்தில் ஒரே குடும்பத்தைச் சேர்ந்த 13 பேர் உயிரிழந்தனர். அதில் 37 வயதான இம்ரான் சித்திக் என்பவர் மட்டும் 2 கால்களும் உடைந்த நிலையில், பலத்த காயங்களுடன் உயிர் பிழைத்துள்ள சோகம் நடந்துள்ளது.

முறையற்ற விதத்தில் இந்த கட்டிடம் கட்டப்பட்டுள்ளது என்று எழுந்த புகாரை அடுத்து, துணை நகராட்சி ஆணையரும், மூத்த போலீஸ் இன்ஸ்பெக்டரும் பணி இடைநீக்கம் செய்யப்பட்டுள்ளனர்.

மாலைமலர்