ஒபாமாவின் உரையை சாண்டி ஹுக் பள்ளி துப்பாக்கிச் சூட்டில் பலியான மாணவனின் தாயார் வாசிக்கிறார்

வாஷிங்டன், ஏப். 13-

அமெரிக்காவின் கனெக்டிக்கட் நகரில் உள்ள சாண்டி ஹுக் தொடக்கப்பள்ளிக்குள் கடந்த மாதம் 14-ம் தேதி நுழைந்த ஓர் வாலிபன், மாணவ - மாணவிகளை நோக்கி கண்மூடித்தனமாக துப்பாக்கியால் சுட்டான்.

இந்த கொடூரத் தாக்குதலில் 20 குழந்தைகள், 6 ஆசிரியைகள் மற்றும் இந்த படுகொலையை செய்த வாலிபன் உள்பட 27 பேர் பலியாகினர். பத்துக்கும் மேற்பட்ட குழந்தைகள் காயமடைந்தன. இச்சம்பவம், அமெரிக்கா உள்ளிட்ட உலக நாடுகளில் கடும் அதிர்ச்சியை ஏற்படுத்தியது.

இந்த படுகொலையையடுத்து அமெரிக்காவில் துப்பாக்கி உபயோகத்தை முறைப்படுத்த சட்டம் கொண்டுவர வேண்டும் என அனைத்து தரப்பில் இருந்தும் கோரிக்கைகள் வலுத்தன.

அமெரிக்காவின் துப்பாக்கி உரிமம் தொடர்பான சட்டங்களில் மாற்றத்தை கொண்டுவர அதிபர் ஒபாமா கடும் முயற்சி மேற்கொண்டு வருகிறார்.

இந்த முடிவிற்கு எதிர்க்கட்சியில் சிலர் மறைமுக எதிர்ப்பை காட்டி வருகின்றனர். அவர்களை கலங்கடிக்கும் வகையில் புதிய அணுகுமுறையை கையாள ஒபாமா முடிவு செய்துள்ளார்.

சாண்டி ஹுக் பள்ளியில் நடைபெற்ற துப்பாக்கிச் சூட்டில் பலியான 'பென்' என்ற சிறுவனின் தாயாரை வைத்து துப்பாக்கி உரிமம் முறைபடுத்துதல் தொடர்பாக தனக்காக தயாரிக்கப்பட்ட உரையை பேச வைக்க ஒபாமா முடிவு செய்துள்ளார்.

இது தொடர்பாக அதிபரின் வெள்ளை மாளிகை செய்தி துறை செயலாளர் ஜே கர்னி கூறுகையில், 'துப்பாக்கி கலாச்சாரத்தால் நிகழும் வன்முறை தொடர்பாகவும் அதனால் ஏற்படும் உயிரிழப்புகளைப் பற்றியும் இந்த வன்முறையில் தனது மகனை பறிகொடுத்த தாயை விட அதிகமாக யாரும் பேசி விட முடியாது என்பதால், ஒபாமா தனது உரையை துப்பாக்கிச் சூட்டில் பலியான சிறுவனின் தாயார் பிரான்சைன் வீலர் மூலம் அமெரிக்கர்களின் காதுகளுக்கும் கருத்துக்கும் கொண்டு செல்ல முடிவு செய்துள்ளார்' என்று கூறினார்.

மாலைமலர்

'துப்பாக்கி கலாச்சாரத்தால் நிகழும் வன்முறை தொடர்பாகவும் அதனால் ஏற்படும் உயிரிழப்புகளைப் பற்றியும் இந்த வன்முறையில் தனது மகனை பறிகொடுத்த தாயை விட அதிகமாக யாரும் பேசி விட முடியாது என்பதால், ஒபாமா தனது உரையை துப்பாக்கிச் சூட்டில் பலியான சிறுவனின் தாயார் பிரான்சைன் வீலர் மூலம் அமெரிக்கர்களின் காதுகளுக்கும் கருத்துக்கும் கொண்டு செல்ல முடிவு செய்துள்ளார்' என்று கூறினார்.

நல்ல முடிவு

பதிவு :]