சித்திரை விஷூ

—-
தமிழ் புத்தாண்டின் முதல்மாதம் சித்திரை.
ஆண்டின் ஆரம்பத்தில், ஒவ்வொருவரும் ஒவ்வொரு
உறுதிமொழி ஏற்பர்.

இந்தாண்டு வீடு வாங்க வேண்டும். கார் வாங்க வேண்டும்.
கடந்த ஆண்டை விட, தொழிலில் லாபத்தை அதிகப்படுத்த
வேண்டும். பதவி உயர்வை அடைந்தே தீர வேண்டும்.
இப்படியாக லாபம் கருதி, அந்த உறுதிமொழிகள் அமையும்.

ஆனால், “எனக்கு கிடைக்க வேண்டிய உயர்ந்த லாபம்
ஒன்றை, உலகத்துக்காக அளிக்கிறேன்…’ என்ற தியாக மனப்
பான்மை, யாருக்காவது வருமா! வந்ததே… ஒரு மாமுனிவருக்கு.
உருவத்தில் குள்ளமாக இருந்தாலும், உள்ளத்தில் உயர்ந்த அந்த
முனிவரே அகத்தியர்.
-
கயிலை மலையில், சிவனுக்கும், பார்வதிக்கும் திருமணம் நடக்க
ஏற்பாடாயிற்று. தென்னகமே திரண்டு அங்கே போயிற்று. இதனால்,
வடபகுதி தாழ்ந்து, தென்பகுதி உயர்ந்தது. அதனை சமன் செய்ய
அகத்தியரை தென்பகுதிக்கு அனுப்புகிறார் சிவன்.
-
கடவுளின் திருமணத்தைப் பார்க்கும் சந்தர்ப்பம் யாருக்கும்
கிடைக்காது. “அந்த அரிய சந்தர்ப்பத்தை நீ விட்டுக் கொடுத்தால்,
நீ போகுமிடமெல்லாம் என் திருமணக்காட்சியைக் காட்டுவேன்…’
என்று ஒரு பரீட்சை வைத்தார் சிவன். உலக மக்களெல்லாம் அந்த
காட்சியைக் கண்டு மோட்சம் பெறட்டுமே என்ற நல்லெண்ணத்
துடன், தான் பெற வேண்டிய அரிய காட்சியை தியாகம் செய்தார்
அகத்தியர்.
-
அதுமட்டுமா… உலகத்தில் ஏழை, பணக்காரர், உயர்ந்த ஜாதி, தாழ்ந்த
ஜாதி என்று, ஏகப்பட்ட ஏற்றத்தாழ்வுகள் இருந்தன; இன்றும்
இருக்கின்றன. இவையெல்லாம் நீங்கி, உலகமக்கள் சம அந்தஸ்து
பெற வேண்டும் என்ற உயர்ந்த தத்துவமும் இந்நிகழ்ச்சியில் புதைந்து
கிடக்கிறது.
-
திருநெல்வேலி மாவட்டம் பாபநாசத்தில், சித்திரை விஷு அன்று
இரவில், சிவனின் கயிலைத் திருமணக்காட்சியை, அகத்தியர் காணும்
நிகழ்ச்சி நடத்தப்படும். இந்த நல்ல நாளில், பிறருக்காக தியாகம்
செய்யும் நல்ல பண்பை வளர்த்துக் கொள்ள உறுதி எடுப்போம்.
-
==================================

தி. செல்லப்பா
நன்றி: வாரமலர்

நல்ல பதிவு நன்றி ராம் அண்ணா

இந்த நல்ல நாளில், பிறருக்காக தியாகம்
செய்யும் நல்ல பண்பை வளர்த்துக் கொள்ள உறுதி எடுப்போம். @.