காற்றின் வேகத்தில் பரவியது காட்டுத்தீ முதுமலையில் 50 ஏக்கர் வனப்பகுதி நாசம்

by **நண்பன்** Fri 4 Feb 2011 - 15:46

கர்நாடக மாநிலம் பந்திப்பூர் வனச் சரணாலயத்தில் ஏற்பட்ட காட்டுத் தீ முதுமலையில் பரவிய தால் 50 ஏக்கர் பரப்பிலான வனப் பகுதி எரிந்து நாசமானது. கர்நாடக மாநிலம் பந்திப்பூர் வனச் சரணால யத்தில் கடும் வரட்சி காரணமாக சில நாட்களுக்கு முன் காட்டுத் தீ ஏற்பட்டது.

இதில் பல ஏக்கர் வனம் எரிந்து நாசமானது. கடந்த செவ்வாயன்று பிற்பகல் 3 மணிக்கு முதுமலை புலி கள் காப்பகம் எல்லையை ஒட்டிய பந்திப்பூர் போலிகுப்பா, ஒன்னா ரெட்டி வனப்பகுதிகளில் தீ பற்றிக் கொண்டது.

காற்றின் வேகம் காரணமாக முது மலை சிக்கல்லா வனப்பகுதிக்கும் தீ பரவியது. கண்காணிப்பு குழு மூலம் கிடைத்த தகவலைத் தொடர்ந்து, முதுமலை புலிகள் காப்பக கள இயக்குனர் ராஜீவ் ஸ்ரீ வஸ்தவா அப்பகுதியை ஆய்வு செய்தார்.

அவ ரின் உத்தரவின்படி வன சரகர்கள் நாகராஜ், சேகர், புஸ்பாகரன், சுந்தர் ராஜன் தலைமையில் 100 க்கும் மேற்பட்ட வன ஊழியர்கள், தீ தடு ப்பு காவலர்கள் அப்பகுதிக்குச் சென்று தீ தடுக்கும் முயற்சியை மேற்கொண் டனர்.

பெரும்பாலான வன விலங் குகள் இடம்பெயர்ந்தாலும் முயல், பாம்பு, பறவைகள் போன்ற சிறிய வன உயிரினங்கள் தீயில் சிக்கி உயிரிழந்திருக்க வாய்ப்புள்ளது. தீ மற்ற பகுதிகளுக்கு பரவதைத் தடுக்க வனத்துறையினர் எதிர் தீ வைத்தனர். பல மணிநேர போராட்டத்துக்குப் பின் தீ கட்டுப்படுத்தப்பட்டது. தீ காரணமாக 50 ஏக்கர் பரப்பிலான வனப்பகுதி எரிந்து நாசமானது.