இலங்கை தேசிய கீதம் தினகரன் அரசியல் தலைப்பு

கிடப்பதெல்லாம் கிடக்கட்டும் என்று ஒரு பழமொழி தொடங்கும். இலங்கை ஜனாதிபதி மகிந்த ராஜபக்ஷ செய்வதைப் பார்த்தால் அதுதான் நினைவுக்கு வருகிறது. உள்நாட்டுப் போரினால் கதியற்று நிற்கும் தமிழர்களை மறுகுடியமர்த்தும் பணிகள் படுமந்தமாக நடைபெறுகின்றன. சீர்குலைந்த வடக்குப் பிரதேசத்தை புனரமைப்பதற்கான பெருந்திட்டம் இன்னும் வரையப்படவில்லை. இந்த நேரத்தில் தேவையில்லாமல் மொழிப் பிரசினையைக் கையிலெடுக்க மகிந்த முனைவது புதிராக தோன்றுகிறது.

இலங்கையின் தேசிய கீதம் இனிமே தமிழில் ஒலிக்க வேண்டியதில்லை என்று அமைச்சரவைக் கூட்டத்தில் ஜனாதிபதி குறிப்பிட்டதாக செய்திகள் தெரிவிக்கின்றன. 300 மொழிகள் பேசப்படும் இந்தியாவில் இந்தி மொழியில் மட்டுமே தேசிய கீதம் இசைக்கப்படுகிறது. உலகில் வேறெங்கும் இல்லாத வகையில் இலங்கையில் இரு மொழிகளில் அதனைப் பாடத் தேவையில்லை என்று மகிந்த கூறியதாக சண்டே டைம்ஸ் பத்திரிகை தெரிவிக்கிறது.

இந்திய கீதம் ரவீந்திரநாத் தாகூரால் வங்காள மொழியில் இயற்றப்பட்டதை ஜனாதிபதி அறியாதிருப்பது ஆச்சரியம், ஏனெனில். இலங்கையின் தேசிய கீதத்தை சிங்களத்தில் இயற்றிய ஜார்ஜ் வில்பிரட் அல்விஸ் சமரகோன் இந்தியா வந்து தாகூரின் சாந்திநிகேதனில் தங்கி இசை கற்றவர். ஜனகன மன இசையால் கவரப்பட்டு. அது போன்ற பாடல் மூலம் தனது சிங்கள மாணவர்களுக்கு தேசப் பற்×ட்ட விரும்பினார். இலங்கை திரும்பிபௌத்த மதத்தில் இணைந்து ஆனந்த சமரகோன் எனப் பெயர் மாற்றிக் கொண்டார். நமோ நமோ மாதா என்று தொடங்கும் பாடசாலை 1940 இல் எழுதினார்.

1952 இல் அதைத் தேசிய கீதமாக அங்கீகரித்த வேளையில் முதல் வரியை ஸ்ரீலங்கா மாதா என மாற்றியது அரசு, மனமொடிந்த சமரகோன் 1962 இல் உயிரை மாய்த்துக் கொண்டார். அடுத்ததாக, கனடாவில் 3, ஸ்விட்சர்லாந்தில் 4 மொழிகளில் தேசிய கீதம் இசைக்கப்படுகிறது. தென்னாப்பிரிக்க கீதத்தில் ஐந்து பத்திகள். ஒவ்வொன்றும் ஒரு ஆட்சி மொழியில் எழுதப்பட்டுள்ளது.

1956 இல் சிங்களத்தை முதன்மைப்படுத்தியதை ஆட்சேபித்து போராட்டம் நடந்ததன் விளைவாக 1978இல் தான் அரசியல் சாசனத்தை திருத்தி நல்லதம்பியின் தமிழாக்கத்தை அங்கீகரித்தது. இலங்கை அரசு திருத்தத்தை திரும்பப் பெற அவசியம் எழு=ந்திருப்பதாக மகிந்த கருதினால் மக்களுக்கு தெளிவுபடுத்தவேண்டியது அவரது கடமை.