மதுவை விரட்டுமா மக்கள் சக்தி

மது கிடைப்பதற்கான வாய்ப்புகளைக் குறைத்தால்
நிச்சயம் குடிப்பவர்களின் எண்ணிக்கையும் குறையும்.

ஏப்ரல் முதல் வாரத்தில் நெடுஞ்சாலை கடைகளை அகற்றும்
விவகாரம் உச்சக் கட்டத்தில் இருந்தபோது நிறைய கடைகள்
மூடப்பட்டு இருந்தன. இந்த வகையில் கடந்த மார்ச் 31ம் தேதி
டாஸ்மாக் வருமானம் 56 கோடிதான்.

ஆனால் ஏப்ரல் ஒன்று மற்றும் இரண்டாம் தேதிகளில் நிறைய
கடைகள் மூடப்பட்டிருந்ததால் வருமானம் 52 கோடியாகக்
குறைந்தது.

கருணாநிதி ஆட்சியில் இருந்தபோது மருத்துவர் ராமதாஸ்
முதல்கட்டமாக கடைகள் திறந்திருக்கும் நேரத்தைக் குறைக்கச்
சொன்னார். இரவு பதினோறு மணி வரை திறந்திருந்த கடைகளை
பத்து மணிக்கே மூடச் சொல்லி கருணாநிதி உத்தரவு போட்டார்.
ஆனால், ஜெ. ஆட்சிக்கு வந்ததும் நவீன எலைட் பார்களைத்
திறக்க உத்தரவிட்டார்.
-
“கடைகள் திறந்திருப்பதால்தான் குடிப்பவர் எண்ணிக்கை
உயர்கிறது. மூடினால் கள்ளச்சாராயம் பெருகிவிடும் என்பதை ஏற்க
முடியாது. சட்ட விரோதம் என்பதால் வெளிப்படையாக கள்ளச்
சாராயம் யாரும் குடிக்க முடியாது.

எனவே பயம் காரணமாக நிச்சயம் குடிப்பவர் எண்ணிக்கை
பெருமளவில் குறையும். காவல்துறை கடுமையான நடவடிக்கை
மூலம் கள்ளச்சாராயத்தையும் குறைக்கலாம்’ என்கிறார்
சசிபெருமாள்.
-
“மகாராஷ்ட்ராவில் ஒரு கிராமத்தில் 50 சதவிகிதம் மக்கள்
“வேண்டாம்’ என்றால் மதுக்கடைகளை அங்கே திறக்க முடியாது.
தமிழ்நாட்டிலும் அது போன்று வர வேண்டும்’ என்கிறார் அவர்.
-
மதுவுக்கு எதிரான மக்கள் போராட்டம் புதிய பரிமாணத்தை
எட்டியுள்ள நிலையில் தேர்தலில் இந்தப் பிரச்னை
எதிரொலிக்குமா?
-
-----------------------------------

- ப்ரியன்
(கட்டுரையிலிருந்து ஒரு பகுதி)
நன்றி: கல்கி

மதுவுக்கு எதிரான மக்கள் போராட்டம் புதிய பரிமாணத்தை
எட்டியுள்ள நிலையில் தேர்தலில் இந்தப் பிரச்னை
எதிரொலிக்குமா?

நிச்சியமாக @.