கேரளா ஸ்டைல்: மரவள்ளிக்கிழங்கு ரெசிபி

பொதுவாக கிழங்குகளில் நிறைய சத்துக்கள் இருக்கும். அத்தகைய கிழங்குகளை அக்காலத்தில் உள்ள மக்கள் அதிகம் சாப்பிடுவார்கள். அதனால் தான் அவர்கள் மிகவும் வலுவோடும், ஆரோக்கியமானவர்களாகவும் இருக்கின்றனர். எனவே தான் வீட்டில் உள்ள பெரியோர்கள் அடிக்கடி ஏதேனும் ஒரு கிழங்கை வாங்கி வந்து சமைக்க சொல்வார்கள். ஏனெனில் கிழங்குகளில் நார்ச்சத்து அதிகம் இருக்கும். ஆனால் அவற்றில் ஒன்றான மரவள்ளிக்கிழங்கில் நார்ச்சத்துடன், கார்போஹைட்ரேட்டும் அதிகம் நிறைந்துள்ளது. இந்த கிழங்கு கேரளாவில் மிகவும் பிரபலமான ஒரு உணவுப் பொருள்.

இதுவரை இந்த கிழங்கை வேக வைத்து மட்டும் தான் சாப்பிடுவோம். ஆனால் அத்தகைய கிழங்கை வேக வைத்து சாப்பிடுவதற்கு பதிலாக, அதனை கேரளா ஸ்டைலில் செய்து சாப்பிட்டால், மரவள்ளிக்கிழங்கு பிடிக்காதவர்களும் விரும்பி சாப்பிடுவார்கள். மேலும் இந்த முறையில் செய்யும் மரவள்ளிக்கிழங்கை எந்நேரமும் சாப்பிடலாம்.

சரி, இப்போது அந்த மரவள்ளிக்கிழங்கை கேரளா ஸ்டைலில் எப்படி செய்வதென்று படிப்படியாக கொடுத்துள்ளோம். அதை பார்ப்போமா!!!

தேவையான பொருட்கள்:

மரவள்ளிக்கிழங்கு - 1 கிலோ
தேங்காய் - 1/2 மூடி (துருவியது)
பச்சை மிளகாய் - 2-3
பூண்டு - 5 பல்
சீரகம் - 1 1/2 டீஸ்பூன்
மஞ்சள் தூள் - 1 சிட்டிகை
கடுகு - 1/2 டீஸ்பூன்
வெங்காயம் - 1 (நறுக்கியது)
உப்பு - தேவையான அளவு
எண்ணெய் - தேவையான அளவு

செய்முறை:

படி: 1

முதலில் குக்கரை அடுப்பில் வைத்து, அதில் மரவள்ளிக்கிழங்கை போட்டு தண்ணீர் ஊற்றி, சிறிது உப்பு சேர்த்து, 3-4 விசில் விட்டு இறக்க வேண்டும்.

படி: 2

வேக வைத்த மரவள்ளிக்கிழங்கை நன்கு மசித்துக் கொள்ள வேண்டும்.

படி: 3

பின்னர் பூண்டு, தேங்காய் துருவல், பச்சை மிளகாய், சீரகம் மற்றும் மஞ்சள் தூளை மட்டும் தனியாக அரைப்பதற்கு எடுத்துக் கொள்ள வேண்டும்.

படி: 4

பிறகு அதனை மிக்ஸியில் போட்டு, நன்கு நைஸாக அரைத்துக் கொள்ள வேண்டும்.

படி: 5

பின்பு ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கடுகு போட்டு தாளிக்க வேண்டும்.

(:) (:)

படி: 6

அத்துடன் நறுக்கிய வெங்காயத்தை சேர்த்து நன்கு பொன்னிறமாக வதக்க வேண்டும்.

படி: 7

பின் மசித்து வைத்துள்ள மரவள்ளிக்கிழங்கை சேர்த்து 2 நிமிடம் கிளறி விட வேண்டும்.

படி: 8

அதோடு அரைத்து வைத்துள்ள மசாலா மற்றும் வேண்டுமெனில் உப்பு சேர்க்க வேண்டும்.

படி: 9

அனைத்தையும் சேர்த்த பின், அதனை 5 நிமிடம் நன்கு கிளறி விட்டு இறக்க வேண்டும்.

படி: 10

இப்போது சுவையான கேரளா ஸ்டைல் மரவள்ளிக்கிழங்கு ரெசிபி ரெடி!!!

http://tamil.boldsky.com/recipes/veg/kerala-style-tapioca-recipe-003100.html#slide149375

கப்ப கேரளா கப்ப :/

கைப்புள்ள wrote:

கப்ப கேரளா கப்ப :/

இதுதான் கேரளத்து கப்பங்கிளங்கோ எனக்கும் ரொம்ப பிடிக்கும் கைப்புள்ள (:)

நல்ல சுவை மிகு பதிவு நன்றி அஹமத் அண்ணா

Muthumohamed wrote:நல்ல சுவை மிகு பதிவு நன்றி அஹமத் அண்ணா

உங்க ஊரில் மாத்திரமில்லை எங்களுரிலும் இது பேமஸ்தான் முஹம்மட் பாய் :]