முன்னாள் பிரதம நீதியரசருக்கு உயர்நீதிமன்றம் நோட்டீஸ்

by **veel** Wed 1 May 2013 - 23:26

முன்னாள் பிரதம நீதியரசருக்கு உயர்நீதிமன்றம் நோட்டீஸ்

முன்னாள் பிரதம நீதியரசர் ஷிராணி பண்டாரநாயக்கவை மே மாதம் 29 ஆம் திகதி நீதிமன்றத்தில் ஆஜராகுமாறு
உயர்நீதிமன்றத்தினால் நோட்டீஸ் அனுப்பிவைக்கப்பட்டுள்ளதாக தெரிவிக்கப்படுகிறது.

அத்துடன் நாடாளுமன்ற உறுப்பினர்களான விஜித்த ஹேரத் மற்றும் இரா.சம்பந்தன் ஆகிய இருவரையும் அன்றைய
தினம் நீதிமன்றத்தில் ஆஜராகுமாறும் நோட்டீஸ் அனுப்பி வைக்கப்பட்டுள்ளது.

சட்டமா அதிபரினால் தாக்கல் செய்யப்பட்ட விசேட மேன்முறையீட்டு மனுவை விசாரிப்பதற்கு இன்று
செவ்வாய்க்கிழமை அனுமதியளித்ததன் பின்னரே உயர்நீமன்றம் மேற்கண்டவாறு நோட்டீஸ் அனுப்பிவைத்துள்ளது.

முன்னாள் பிரதம நீதியரசரை குற்றவாளியாக இனங்கண்ட நாடாளுமன்ற தெரிவுக்குழுவின் அறிகையை இரத்துச்செய்து
மேன்முறையீட்டு நீதிமன்றத்தினால் வழங்கப்பட்ட ஆணைகோரும் கட்டளையை வலுவற்றதாக்குமாறே சட்டமா
அதிபரினால் இந்த விசேட மேன்முறையீட்டு மனு தாக்கல் செய்யப்பட்டிருந்தது.

இந்த விசேட மேன்முறையீட்டு மனு நீதியரசர்களான சலீம் மர்சூக், சந்தியா ஹெட்டிகே மற்றும் ஈவா வனசுந்தர ஆகிய
நீதியரசர்கள் குழு முன்னிலையிலேயே பரிசீலனைக்கு எடுத்துக்கொள்ளப்பட்டது.

http://onlineuthayan