காந்தியின் ஒரு துளி இரத்தம் ரூ.10 இலட்சம்

by **நண்பன்** Mon 6 May 2013 - 9:35

காந்தியின் ஒரு துளி இரத்தம் ரூ.10 இலட்சம்
மகாத்மா காந்தியின் ஒரு துளி இரத்தம் பத்து இலட்சம் ரூபாவுக்கு ஏலம் போகும் என்று எதிர்பார்க்கப்படுகிறது. லண்டனில் உள்ள முல்லோக் மையத்தில் மகாத்மா காந்தி பயன்டுத்திய 50 நினைவு பொருட்கள், எதிர்வரும் 21ம் திகதியன்று ஏலம் விடப்படவுள்ளது. இவற்றில் காந்தியின் தோல் செருப்புகள், மிகவும் விரும்பி அணியும் நீண்ட துண்டு, போர்வை, கோப்பை, கரண்டி, முள்கரண்டி மற்றும் கப் உள்ளிட்டவையும் அடங்கும்.

இவை தவிர காந்தியின் இரத்த துளியும் கூட ஏலம் விடப் படவுள்ளது. இந்த இரத்தத் துளி அவர் தானம் செய்வதற்கு முன்பு எடுத்து பரிசோதிக்கப்பட்டதாகும். கடந்த 1924ம் ஆண்டு சுமதி முகர்ஜி என்பவருக்கு காந்தி இரத்த தானம் செய்தார். அப்பொழுது அவரது இரத்தம் ஒரு கண்ணாடி சிலேடில் எடுத்து மைக்ராஸ் கோப்பில் வைத்து பரிசோதிக்கப்பட்டது. அந்த இரத்த துளிகளே தற்பொழுது ஏலத்துக்கு வரவுள்ளது. இந்த ஒரு துளி இரத்தம் மட்டும் 10 இலட்சம் ரூபாவுக்கு ஏலம் போகும் என்று எதிர்பார்க்க ப்படுகின்றது.