எகிப்து பிரதமரின் கார் மீது துப்பாக்கிச்சூடு: ஐவர் கைது

by **நண்பன்** Tue 7 May 2013 - 9:36

எகிப்து பிரதமரின் கார் மீது துப்பாக்கிச்சூடு: ஐவர் கைது
எகிப்து பிரதமர் ஹிஷாம் கன்திலின் வாகன தொடரணி மீது துப்பாக்கிச் சூடு நடத்திய ஐவர் கைது செய்யப்பட் டுள்ளனர்.

கடந்த ஞாயிற்றுக்கிழமை இரவு 11 மணியளவில் கெய்ரோ புற நகர் பகுதியில் பயணித்துக்கொண்டிருந்த பிரதமரின் வாகன தொடரணி மீதே தாக்குதல் நடத்தப்பட்டுள்ளது. இதன்போது பிரதமர் கன்திலின் கார் கடந்துசென்றபோது பாதையில் மற்றொரு வாகனத்தில் சென்றவர்கள் பிரதமர் கார் மீது துப்பாக்கியால் சுட்டனர்.

இச்சம்பவத்தில் பிரதமர் கன்திலுக்கு காயம் எதுவும் ஏற்படவில்லை. இதற்கிடையே அந்த வாகனத்தை பிரதமரின் பாதுகாவலர்கள் விரட்டி சென்றனர். ஆனால் அதில் இருந்த நபர்கள் இவர்களையும் சுட்டுவிட்டு தப்பி ஓட முயன்றனர். இருந்தும் அவர்களை பொலிஸார் மடக்கி பிடித்தனர். வாகனத்தில் 5 பேர் இருந்தனர். அவர்களுக்கு 18 முதல் 29 வயது இருக்கும். பின்னர் அவர்கள் 5 பேரும் கைது செய்யப்பட்டனர். பிரதமர் கார் மீது துப்பாக்கியால் சுட்டது ஏன் என்பது குறித்து விசாரணை நடத்தப்பட்டு வருகிறது.