படம் - ஒரு பக்க கதை

-
பழைய புகைப்பட ஆல்பத்தைப் புரட்டிக் கொண்டிருந்த லட்சுமி
பெருமூச்செறிந்தாள்.
-
'ஒய்மா...ஒய் திஸ் பெருமூச்சு' என்றாள் மகள் மதுமதி
-
பாரு...எல்லோரும் குரூப் குரூப்பா எடுத்துக்கிட்ட படங்கள்
இருக்கு. ஆனா நானும் என் அம்மாவும் ஒண்ணா எடுத்துக்கிட்ட
படம் ஒண்ணு கூட கிடையாது. 'ஏன்னா உன் பாட்டி நான்
பிறந்தவுடன் இறந்து போயிட்டாங்க' என்றாள் லட்சுமி.
-
'பாட்டியோட படம் ஒண்ணு கூட கிடையாதாம்மா' என்றாள்
மதுமதி கனிவாக.
-
'பாட்டியோட சீமந்தப் புகைப்படம் ஒண்ணு இருக்கு' என்று
அதைக் காட்டினாள் லட்சுமி.
-
தாய்மையின் பூரிப்பில், தலையில் நெற்றிசுசுட்டி, பூச்சடை...
கண்களில் மையும் மிரட்சியும், கைகளில் ரேஷன் கடை...க்யூ
வரிசையாக கண்ணாடி வளையல்கள், பட்டுப் புடுவை ,
மேடிட்ட வயிறு, பின்புறம் கண்ணாடியில் பிம்பம், பக்கத்தில்
பூச்சாடி.
-

'டோன்ட் ஒரிம்மா, நீயும் உன் அம்மாவும் சேர்ந்து
எடுத்துக்கிட்ட படம்தான் இது,.பாட்டியோட வயித்துக்குள்ளே
இருக்கிறது நீதானேம்மா...'கூல்' என்றாள் லட்சுமியை இறுக்க
கட்டி முத்தமிட்ட மதுமதி.
-
இளைய தலைமுறையின் புதிய கோணத்தைக் கண்டு
லட்சுமியின் புருவங்கள் உயர்ந்தன.
-
--------------------------------
>இரா.தேன்மொழி அண்ணாதுரை
நன்றி: குமுதம்

:# :#