நைஜீரிய மாநிலங்களில் அவசர நிலை பிரகடனம்

by **நண்பன்** Wed 15 May 2013 - 23:42

நைஜீரியாவில் இஸ்லாமிய ஆயுததாரிகளின் தாக்குதலுக்கு உள்ளாகும் மூன்று மாநிலங்களில் ஜனாதிபதி குட்லக் ஜொனதன் அவசர நிலை பிரகடனப்படுத்தியுள்ளார்.

தீவிரவாதிகளுக்கு எதிராக இராணுவம் பொர்னோ, அடமாவா மற்றும் பெயபெ மாநிலங்களில் தேவைப்படும் அனைத்து நடவடிக்கைகளையும் எடுக்கும் என ஜனாதிபதி குறிப்பிட்டார். வட கிழக்கு மாநிலங்களுக்கு அதிக துருப்புகளை அனுப்பவும் ஜனாதிபதி உத்தரவிட்டுள்ளார்.

கடந்த 2010 ஆம் ஆண்டு தொடக்கம் இடம்பெறும் வன்முறைகளில் 2000 க்கு அதிகமானோர் கொல்லப்பட்டுள்ளனர். இத தொடர்பில் ரொகொ ஹராம் ஆயுதக் குழு மீது குற்றம்சாட்டப்படுகிறது. பொகோ ஹராம் வடக்கு நைஜீரியாவில் இஸ்லாமிய அரசொன்றை அமைக்க போராடி வருகிறது.

பல்லினன சமூகம் கொண்ட நைஜீரியாவின் 160 மில்லியன் மக்கள் நிலம், மதம் மற்றும் எண்ணெய் வளத்திற்காக பிரிந்து நின்று போராடுகின்றனர். மத்திய நைஜீரிய மாநிலமான பெபனுவில் நேற்று முன்தினம் இடம்பெற்ற வன்முறையில் 13 கிராமங்கள் தீக்கிரையாக்கப்பட்டதோடு 53 பேர்கொல்லப்பட்டனர். கால்நடைகளை மேச்சலிடும் நில உரிமை தொடர்பிலேயே இந்த வன்முறை இடம் பெற்றுள்ளது.