நேர்மறை எண்ணம் வளர சில வழிமுறைகள்!!!

by *சம்ஸ் Mon 20 May 2013 - 6:57

நேர்மறையான சிந்தனை இருக்கும் போது, வாழ்வின் கவலைகள், கடலில் கரைத்த வெல்லக்கட்டியை போல மறைந்து போய்விடும். நேர்மறையாக இருப்பதை குறித்து பேசுவது என்பது இதயத்தில் நேர்மறையாக இருப்பதை காட்டிலும் வித்தியாசமானது. நேர்மறையாக தோற்றம் அளிக்க வேண்டும் என்று நினைக்கின்ற அதே சமயத்தில் அதன் குறைபாடுகளையே மதிப்பிடுகிறோம்.

பாராட்டுவதற்கு முன்பு பல முறை யோசிக்கிறோம். ஒருவர் ஆலோசனை கேட்க வரும் போது அவர்களுடைய தவறுகளை மாத்திரமே நாம் வெளிப்படுத்துகிறோம். மிகவும் நகைச்சுவையான ஒரு காரியத்திலும் சிறிய புன்னகையை மாத்திரமே வெளிப்படுத்துகிறோம். எல்லாவற்றிலும் நிறையை விட குறையையே அதிகமாக கவனிக்கிறோம். ஆகவே நேர்மறையான நபராக மாற சில குறிப்புகளை இங்கே காணலாம்

• நேர்மறையாக வாழ்வதன் மூலம் வாழ்க்கை தரம் உயரும் என்று நம்பினால் மட்டுமே நேர்மறையாக இருக்க விருப்பம் ஏற்படும். நேர்மறை என்பது ஒரு நறுமணம் போன்றது, நேர்மறையாக இருந்தால் அறிமுகம் இல்லாதவர்களும் கனிவாக நடந்து கொள்வார்கள், உடன்பணியாளர்கள் பாராட்டுவார்கள், சுலபமாக உறவுகளை ஏற்படுத்திக் கொள்ளலாம்.

• தினசரி வாழ்க்கை சம்பவங்களை பார்த்து, அவற்றை நேர்மறையாக எவ்வாறு கையாள்வது என்பதை குறித்து யோசிக்க வேண்டும். ஒவ்வொரு நாளையும் இனிய நாளாக மாற்ற, ஐந்து வழிகளை யோசிக்கவும். முக பாவணைகளை வைத்து காரியங்களை அறிந்து கொள்ள கற்றுக் கொள்ளலாம். மற்றவரை நம்புகிற தன்மை நேர்மையை வெளிப்படுத்தும்.

• தினசரி பயன்படுத்தும் வார்த்தைகளில் நேர்மறையாக இருக்கவும். நட்பு உடையவராகவும், எளிதில் அணுகக்கூடியவராகவும் காணப்படும்படி உடல் பாவனைகளை பயன்படுத்த வேண்டும்.

• நேர்மறை சிந்தனையும், எதிர்மறை சிந்தனையும் மற்றவரிடம் இருந்து பரவக்கூடியது என்பதால், நேர்மறையான நபர்களுடன் பழகுங்கள்.. கோபமான அல்லது குறைகண்டுபிடிக்கின்ற நபர்களுடன் பெரும்பாலான நேரத்தை செலவிட்டால், மற்ற மக்கள் முன்பாகவும் அவர்களுடைய குணத்தை பிரதிபலிப்பதை உணர்வீர்கள். நேர்மறையாக இருப்பதற்கு, உங்கள் நண்பர்கள் வட்டாரம் நேர்மறையாகவும், உற்சாகமாகவும், மகிழ்ச்சியாகவும் இருக்க வேண்டும்.