தமிழ்நாட்டில் சில இடங்களில் இன்று மழை பெய்யும்: வானிலை மையம் அறிவிப்பு

தமிழ்நாட்டில் அக்னி நட்சத்திரம் என்கிற கத்திரி வெயில் அடித்துவருகிறது. இருப்பினும் கடந்த 2 நாட்களாக தர்மபுரி, கிருஷ்ணகிரி, திண்டுக்கல், தேனி, நீலகிரி, திருப்பூர் முதிலிய மாவட்டங்களில் சில இடங்களில் மழை பெய்துவருகிறது. கர்நாடக மாநிலத்தில் அநேக இடங்களில் பலத்த மழை பெய்து வருகிறது.

கேரளாவிலும் மழை பெய்கிறது. இந்த மழை காரணமாக தென்மேற்கு பருவமழை விரைவில் தொடங்குவதற்கான அறிகுறியாக தெரிகிறது. தமிழ்நாட்டிலும், புதுச்சேரியிலும் இன்று (புதன்கிழமை) சில இடங்களில் மழை பெய்யும் என்று வானிலை மையம் அறிவித்துள்ளது.

நேற்று காலை 8-30 மணியுடன் முடிவடைந்த 24 மணிநேரத்தில் பெய்த மழை அளவு வருமாறு:- மறந்தஹல்லி 7 செ.மீ., தர்மபுரி, குன்னூர் தலா 5 செ.மீ., அஞ்சட்டி, பாலக்கோடு, உடுமலைப்பேட்டை தலா 4 செ.மீ., போடிநாயக்கனூர், சூளகிரி, நடுவட்டம், கோவை, ஆம்பூர், பெரியகுளம், மங்களபுரம் தலா 3 செ.மீ., குந்தா பாலம், கெட்டி, கூடலூர், திண்டுக்கல் மாவட்டம் சத்திரப்பட்டி, உத்தமபாளையம், மேட்டுப்பாளையம், அன்னூர், பையூர் தலா 2 செ.மீ., வால்பாறை தாலுகா அலுவலகம், சூலூர், பொள்ளாச்சி, தேன்கனிக்கோட்டை, கிருஷ்ணகிரி, காங்கேயம், பழனி, பெரியகுளம், அவினாசி, கோபிச்செட்டிப்பாளையம், ஆலங்காயம், குடியாத்தம், வாணியம்பாடி, கோத்தகிரி, தேவலா தலா 1 செ.மீ.மழை பெய்துள்ளது.

மழையில் நனைய தயாராகுங்கள் மக்களே