அமெரிக்கா: நீதிபதியாக நியமிக்கப்பட்டுள்ள இந்தியர் ஸ்ரீகாந்த் சீனிவாசனுக்கு ஒபாமா பாராட்டு

by *சம்ஸ் Sat 25 May 2013 - 6:27

வாஷிங்டன், மே.25-

அமெரிக்காவில் வசிக்கும் இந்திய வம்சாவளி பிரபல வக்கீல் ஸ்ரீகாந்த் சீனிவாசன். சண்டிகாரில் பிறந்த 46 வயதாகும் இவரை கொலம்பியா மாவட்ட சர்குயூட் கோர்ட்டு நீதிபதியாக ஜனாதிபதி ஒபாமா நியமித்தார். இதற்கு நீதித்துறை செனட்சபை கமிட்டி விவாதித்து 97-0 என்ற ஓட்டெடுப்பில் எதிர்ப்பு ஏதுமின்றி ஒருமனதாக ஒப்புதல் அளித்தது.

ஸ்ரீகாந்த் சீனிவாசன் நீதிபதியாகும் இந்த கோர்ட்டு அமெரிக்காவின் 2-வது பெரிய கோர்ட்டு ஆகும். எனவே இது இந்தியருக்கு கிடைத்த பெருமை என பல்வேறு தரப்பினரும் பாராட்டி வாழ்த்தும் தெரிவித்தனர். அதுமட்டுமல்ல நீதிபதி பதவிக்கு தேர்வு பெற்ற தெற்கு ஆசியவை சேர்ந்த முதல் பிரமுகரும் இவரே ஆவார்.

இந்நிலையில் ஸ்ரீகாந்த் சீனிவாசனின் சிறந்த பண்பை அமெரிக்க ஜனாதிபதி ஒபாமா வெகுவாக பாராட்டினார். இது தொடர்பாக அவர் வெளியிட்ட அறிக்கையில்,

'ஸ்ரீகாந்த் அமெரிக்காவில் பிரின்சிபல் உதவி சொலிசிடர் ஜெனரல் உள்பட பல பொறுப்புகளில் 20 ஆண்டுகளாக சிறப்பாக பணியாற்றியவர். அமெரிக்க நாட்டு வரலாற்றில் தெற்கு ஆசியாவை சேர்ந்தவர்களில் சீனிவாசனே முதல் தடவையாக நீதிபதியாகும் பெருமையை பெற்றுள்ளார்.

பண்பாளரான அவர் அமெரிக்காவின் தனிச்சிறப்பை பாதுகாக்க உழைப்பார். நீதித்துறையில் அவர் தனி முத்திரை பதிப்பார் என்று நம்புகிறேன்' என்று குறிப்பிட்டுள்ளார்.

பாகிஸ்தான், ஆப்கானிஸ்தான் உள்பட சில நாடுகளில் தீவிரவாதிகளை ஒழித்துக்கட்ட அமெரிக்கா உளவு விமானம் மூலம் தாக்குதல் நடத்துகிறது. இதில் அப்பாவி மக்கள் கொல்லப்படுவதாக குற்றம்சாட்டப்படுகிறது. பாகிஸ்தானில் 2003-ம் ஆண்டிற்கு பிறகு 3,336 அப்பாவிகள் பலியானதாக ஒரு புள்ளிவிவரம் கூறுகிறது.

ஆனால் உளவு விமானதாக்குதலை முதல் தடவையாக ஒபாமா நியாயப்படுத்தி கருத்து தெரிவித்தார். வாஷிங்டனிலுள்ள தேசிய ராணுவ பல்கலைக்கழகத்தில் அவர் பேசுகையில் கூறியதாவது:-

நாட்டை பாதுகாக்கும் யுத்தத்தில் இது (உளவு விமானம் குண்டு வீச்சு) அவசியம். தீவிரவாதிகளுக்கு எதிரான நடவடிக்கையில் இது சட்டபூர்வமான, தகுந்த பலனும் தரக்கூடியதாகும். பாகிஸ்தான் போன்ற நாடுகளின் இதனை பயன்படுத்துவதில் புதிய எல்லையை ஏற்படுத்தலாம்.

இவ்வாறு அவர் கூறினார்.

by **ansar hayath** Sat 25 May 2013 - 9:26

by *சம்ஸ் Sat 25 May 2013 - 13:36

ansar hayath wrote:

இப்படி அதிர்சியடைய என்ன காரணம் அன்சார்.

by **rammalar** Sat 25 May 2013 - 14:12

உளவு விமான தாக்குதலை நியாயப்படுத்தியதால்
அதிர்ச்சி அடைந்திருப்பார்...!

by Sponsored content

அமெரிக்கா: நீதிபதியாக நியமிக்கப்பட்டுள்ள இந்தியர் ஸ்ரீகாந்த் சீனிவாசனுக்கு ஒபாமா பாராட்டு

அமெரிக்கா: நீதிபதியாக நியமிக்கப்பட்டுள்ள இந்தியர் ஸ்ரீகாந்த் சீனிவாசனுக்கு ஒபாமா பாராட்டு

Re: அமெரிக்கா: நீதிபதியாக நியமிக்கப்பட்டுள்ள இந்தியர் ஸ்ரீகாந்த் சீனிவாசனுக்கு ஒபாமா பாராட்டு

Re: அமெரிக்கா: நீதிபதியாக நியமிக்கப்பட்டுள்ள இந்தியர் ஸ்ரீகாந்த் சீனிவாசனுக்கு ஒபாமா பாராட்டு

Re: அமெரிக்கா: நீதிபதியாக நியமிக்கப்பட்டுள்ள இந்தியர் ஸ்ரீகாந்த் சீனிவாசனுக்கு ஒபாமா பாராட்டு

Re: அமெரிக்கா: நீதிபதியாக நியமிக்கப்பட்டுள்ள இந்தியர் ஸ்ரீகாந்த் சீனிவாசனுக்கு ஒபாமா பாராட்டு