நைஜீரியா சிறைச்சாலை மீது தீவிரவாதிகள் தாக்குதல்: 2 காவலர்கள் பலி - 10 பேர் படுகாயம்

by *சம்ஸ் Sun 2 Jun 2013 - 6:32

நிகர், ஜுன் 2-

நைஜீரியா தலைநகர் நிகரில் உள்ள நியாமே சிறைச்சாலை மீது ஆயுதமேந்திய தீவிரவாதிகள் நடத்திய திடீர் தாக்குதலில் 2 சிறைக் காவலர்கள் கொல்லப்பட்டனர். கைதிகள் உட்பட 10க்கும் மேற்பட்டவர்கள் படுகாயமடைந்தனர்.

நைஜீரியாவில் உள்ள யுரேனியம் சுரங்கம் மற்றும் ராணுவ முகாம் மீது கடந்த வாரம் தீவிரவாதிகள் நடத்திய தாக்குதலில் 25 பேர் கொல்லப்பட்டனர்.

இந்நிலையில், நேற்று மாலை 3 மணியளவில் நியாமே சிறைச்சாலையின் வழியே வாகனங்களில் சென்ற ஆயுதமேந்திய தீவிரவாதிகள், வாயிற்கதவருகே நின்றிருந்த 2 போலீசாரை கண்மூடித் தனமாக சுட்டுக்கொன்றனர். சிறைக் காவலர்களும் தீவிரவாதிகளை நோக்கி துப்பாக்கியால் சுட்டு தாக்குதல் நடத்தினார்கள்.

இந்த துப்பாக்சிச் சண்டை சுமார் 45 நிமிடங்கள் நீடித்ததாகவும், கைதிகள் உட்பட 10க்கும் மேற்பட்டோர் படுகாயமடைந்ததாகவும் அவர்களில் சிலரது நிலைமை கவலைக்கிடமாக உள்ளதால் பலி எண்ணிக்கை உயரக்கூடும் என்றும் சிறை அதிகாரி ஒருவர் தெரிவித்தார்.

இந்த தாக்குதலுக்கு எந்த இயக்கமும் பொறுப்பேற்றுக்கொள்ளவில்லை.