ரூமைக் காலி பண்றீங்களா?

நாம் எல்லோருமே வெளியூர்களுக்குச் சென்றால், ஹோட்டல்களில் தங்குவது சகஜம்தான். ஹோட்டலில் தங்கிவிட்டுக் காலி செய்யும்போது மறந்தவாக்கில் சில பொருட்களை விட்டுவிட்டுச் செல்வதும் அதைவிட சகஜம்தான். உலகம் முழுக்க இப்படி என்னென்ன பொருட்களை விட்டுவிட்டுச் செல்கிறார்கள் என்பதைப் பற்றிய ஆய்வில் வெட்டி ஆப்பீசர்ஸ் சிலர் ஈடுபட்டதில் கிடைத்த தகவல்கள் பல சுவாரசியமானவை; சில மானக்கேடானவை.

அறையைக் காலிசெய்யும்போது பெரும்பாலானவர்கள் தவறவிட்டுச் செல்வது செல்போன் சார்ஜரைத்தான். அதேபோல் 'குடிமகன்’களைப் பற்றிய புகார்களும் ரூம் பாய்களிடம் அதிகம். ''ஒரு வீணாப்போனவன் ரெண்டு நாள் தங்கி ரூமுக்கு சரக்கு வரவெச்சு நல்லாக் குடிச்சான். ஒருவழியா போதை தெளிஞ்சு ரூமைக் காலிபண்ணிட்டுப் போனான். கிளீன் பண்றதுக்கு உள்ளே போனா, ரூமை நாறடிச்சு வெச்சுருக்கான். கால் வைக்க முடியலை. அவ்வளவு வாந்தி. அந்த ரூமை கிளீன் பண்ணின என்னோட மன தைரியத்தைப் பாராட்டி எங்க ஹோட்டல் மேனேஜர் எனக்கு மூணு நாள் சம்பளத்தோட லீவு குடுத்தார்னா பார்த்துக்கங்க!'' - இது ஒரு ரூம்பாயின் வாக்குமூலம்.

இன்னொரு ரூம் பாய் சொன்ன தகவலோ, ரொம்பவே புதுசு ரகம். ஒருவர் தனியாகவே வந்து தனியாகவே சில நாட்கள் தங்கி, தனி யாகவே ரூமைக் காலி செய்து போயிருக்கிறார். ஆனால், அவர் காலி பண்ணிப்போன பிறகு, ரூமில் ஏழெட்டு காண்டம்கள் இருந்ததைப் பார்த்து அதிர்ச்சியடைந்திருக்கிறார் ரூம் பாய்.

''டூத் பிரஷ், சோப், டவல், பனியன் மாதிரி பாத்ரூம் ஐட்டங்கள் மறதியில் மிஸ்ஸாகிறது வழக்கம்தான். ஆனா, பலான டி.வி.டி-யை வாங்கி வந்து ரூமை சாத்திட்டுப் போட்டுப் பார்க்கும் மனிதர்களும் உண்டு. ஒருமுறை இந்த மாதிரி ஒரு ஆள் டி.வி.டி-யைப் பார்த்துட்டு, மறந்துட்டு பிளேயர்லயே விட்டுட்டுப் போயிட்டான். நாங்களும் கவனிக்கலை. அடுத்து அந்த ரூமுக்கு வந்த ஒரு குடும்பம் டி.வி.டி-யைப் போட்டுப் பார்த்துட்டு டெரர் ஆயிட்டாங்க. ஹோட்டல் மேல கேஸ் போடுவோம்னு எல்லாம் மிரட்டினாங்க... அவங்களை சமாளிக்கிறதுக்குள்ள போதும் போதும்னு ஆயிடுச்சு'' என்று புலம்பியிருக்கிறார் இன்னொரு ரூம் பாய்.

நீங்க எதை எதை ஹோட்டலில் விட்டுட்டு வந்திருக்கீங்கனு யோசிச்சுப் பாருங்க. நல்லாப் பொழுது போகும்!

- சீலன்
டைம் பாஸ்