உருளைக்கிழங்கு சப்பாத்தி ரோல்

by **ahmad78** Mon 24 Jun 2013 - 14:21

பெரும்பாலான வீடுகளில் திங்கட்கிழமை வந்தாலே, காலையில் என்ன செய்வதென்ற குழப்பமானது ஏற்படும். அந்த நேரத்தில் தமிழ் போல்டு ஸ்கையை திறந்து பாருங்கள். ஏனெனில் உங்களுக்காக எளிமையான சில காலை உணவுகளை கொடுத்திருப்போம். அதைப் படித்து எளிய முறையில் வீட்டில் செய்து மகிழுங்கள்.

அதிலும் அத்தகைய ரெசிபிக்கள் அனைத்தும் குழந்தைகள் முதல் பெரியவர் வரை அனைவருக்கும் பிடித்தவாறு இருக்கும். இப்போது அதில் உருளைக்கிழங்கு சப்பாத்தி ரோல் எப்படி செய்வதென்று கொடுத்துள்ளோம். அதைப் படித்து செய்து கொடுங்கள்.

உருளைக்கிழங்கு சப்பாத்தி ரோல் 24-aloorottiroll

தேவையான பொருட்கள்:

சப்பாத்திக்கு...

கோதுமை மாவு - 2 கப்
உப்பு - தேவையான அளவு
தண்ணீர் - தேவையான அளவு
நெய் - தேவையான அளவு

மசாலாவிற்கு...

உருளைக்கிழங்கு - 2-3 (வேக வைத்து மசித்தது)
வெங்காயம் - 1 (நறுக்கியது)
கேரட் - 1 (நறுக்கியது)
குடைமிளகாய் - 1/2 (நறுக்கியது)
பச்சை மிளகாய் - 1-2 (நறுக்கியது)
மஞ்சள் தூள் - 1/2 டீஸ்பூன்
மிளகாய் தூள் - 1 டீஸ்பூன்
சாட் மசாலா - 1 டீஸ்பூன்
சீரகம் - 1/2 டீஸ்பூன்
கறிவேப்பிலை - சிறிது
உப்பு - தேவையான அளவு

செய்முறை:

முதலில் ஒரு பாத்திரத்தில் கோதுமை மாவை போட்டு, அதில் சிறிது உப்பு மற்றும் தண்ணீர் ஊற்றி சப்பாத்தி மாவு பதத்திற்கு பிசைந்து கொள்ள வேண்டும்.

பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், சீரகம், கறிவேப்பிலை சேர்த்து தாளித்து, நறுக்கிய வெங்காயத்தை போட்டு, பொன்னிறமாக வதக்கி, பின் கேரட், குடைமிளகாய், பச்சை மிளகாய் சேர்த்து நன்கு காய்கறிகள் வேகும் வரை வதக்க வேண்டும்.

பின்பு மஞ்சள் தூள், மிளகாய் தூள், சாட் மசாலா மற்றும் உப்பு சேர்த்து நன்கு கிளறி விட வேண்டும்.

பிறகு மசித்து வைத்துள்ள உருளைக்கிழங்கை சேர்த்து நன்கு மசாலா உருளைக்கிழங்குடன் சேரும் வரை வதக்க இறக்க வேண்டும்.

அடுத்து தோசைக்கல்லை அடுப்பில் வைத்து, சூடானதும், அதில் சப்பாத்தி மாவை சப்பாத்திகளாக தேய்த்து நெய் சேர்த்து, முன்னும் பின்னும் பொன்னிறமாக சுட்டு எடுக்க வேண்டும்.

இறுதியில் இந்த சப்பாத்திகளின் மேல் உருளைக்கிழங்கு மசாலாவை தேய்த்து, அதனை சுருட்டி பரிமாற வேண்டும்.

வேண்டுமெனில் உருளைக்கிழங்கு மசாலா வைத்த பின், அதன் மேல் தக்காளி சாஸ் ஊற்றி சுருட்டி பரிமாறலாம்.

இப்போது சுவையான உருளைக்கிழங்கு சப்பாத்தி ரோல் ரெடி!!!

http://tamil.boldsky.com/recipes/veg/aloo-roti-roll-003459.html

by **பானுஷபானா** Mon 24 Jun 2013 - 15:15

இது எளிமையா?

by **gud boy** Mon 24 Jun 2013 - 15:32

சப்பாத்தி மாவு பதத்திற்கு எப்படி பிசைவது? இது தான் என்னுடைய கேள்வி..

by **பானுஷபானா** Mon 24 Jun 2013 - 15:40

gud boy wrote:சப்பாத்தி மாவு பதத்திற்கு எப்படி பிசைவது? இது தான் என்னுடைய கேள்வி..

மாவுல உப்பு போட்டு நல்லாக் கலக்கிட்டு கொஞ்சம் கொஞ்சமா தண்ணி ஊத்தி பிசையனும்...அமுக்கினால் இலேசாக அமுங்க வேண்டும் அது தான் பதம்....

by *சம்ஸ் Mon 24 Jun 2013 - 16:14

பானுகமால் wrote:
gud boy wrote:சப்பாத்தி மாவு பதத்திற்கு எப்படி பிசைவது? இது தான் என்னுடைய கேள்வி..

மாவுல உப்பு போட்டு நல்லாக் கலக்கிட்டு கொஞ்சம் கொஞ்சமா தண்ணி ஊத்தி பிசையனும்...அமுக்கினால் இலேசாக அமுங்க வேண்டும் அது தான் பதம்....

நன்றி அக்கா தகவலுக்கு

by **gud boy** Mon 24 Jun 2013 - 16:58

பானுகமால் wrote:
gud boy wrote:சப்பாத்தி மாவு பதத்திற்கு எப்படி பிசைவது? இது தான் என்னுடைய கேள்வி..

மாவுல உப்பு போட்டு நல்லாக் கலக்கிட்டு கொஞ்சம் கொஞ்சமா தண்ணி ஊத்தி பிசையனும்...அமுக்கினால் இலேசாக அமுங்க வேண்டும் அது தான் பதம்....

நமக்கு இதெல்லாம் சரியா வராது..

by Sponsored content

உருளைக்கிழங்கு சப்பாத்தி ரோல்

உருளைக்கிழங்கு சப்பாத்தி ரோல்

Re: உருளைக்கிழங்கு சப்பாத்தி ரோல்

Re: உருளைக்கிழங்கு சப்பாத்தி ரோல்

Re: உருளைக்கிழங்கு சப்பாத்தி ரோல்

Re: உருளைக்கிழங்கு சப்பாத்தி ரோல்

Re: உருளைக்கிழங்கு சப்பாத்தி ரோல்

Re: உருளைக்கிழங்கு சப்பாத்தி ரோல்