வைரம் சாப்பிட்டால் ஜீரணம் ஆகாது...!!

by **rammalar** Sat 29 Jun 2013 - 3:47

மாசிலா மனமே ஈசன் கோயில்.
-
பயிருக்கு முள் வேலி, பணத்துக்குத் தருமம் வேலி.

மக்களுக்கு இருக்கும் போதாக் குறையைத் தீர்ப்பதே
மந்திரிகளின் கடமை; மாலையும் வரவேற்புப் பத்திரமும்
வாங்குவதல்ல.
-
எது சாப்பிட்டாலும் ஜீரணம் ஆகிவிடும்; வைரம் சாப்பிட்டால்
ஜீரணம் ஆகாது. அதுபோல் எந்தப் பாவம் செய்தாலும்
போக்கிக் கொள்ளலாம். நன்றி மறந்த பாவத்தை போக்க
முடியாது.
-
விரதம் என்பது எது தெரியுமா? பிறர் சொல்லும்
கொடூரமான பேச்சுகளை பொறுப்பதும், எந்த உயிர்களையும்
கொல்லாமல் இருப்பதும்தான் விரதம்.
-
எல்லாந் தெரிந்தவர்களும், ஏதும் தெரியாதவர்களும் உலகில் இல்லை.

அயர்ச்சியில்லாத முயற்சி உயர்ச்சி தரும்.

வேலையுடையவனிடத்தில் வேலை கேள்.

பிறரைக் கெடுத்து தான் மட்டும் வாழ நினைத்தால் ஆசை.
தான் மட்டும் வாழ நினைத்தல் பற்று; தானும், தன் இனமும்,
தன் நாடும் வாழ நினைத்தல் அன்பு; சராசரம் வாழ நினைத்தல்
அருள் எனப்படும்.
-
இரை தேடுவதோடு இறையுந் தேடு.
-
குருவருளும், திருவருளும் பெற்றால் இறைவன் ஞான வடிவைக்
காணலாம்.
-

வாரியாரின் பொன்மொழிகள்

----------------------------------------
தொகுத்தவர்:
ந.சுப்பிரமணியன், சென்னை.

by **பானுஷபானா** Sat 29 Jun 2013 - 11:07

அனைத்தும் அருமை

வைரம் சாப்பிட்டால் ஜீரணம் ஆகாது...!!

வைரம் சாப்பிட்டால் ஜீரணம் ஆகாது...!!

Re: வைரம் சாப்பிட்டால் ஜீரணம் ஆகாது...!!