ஹராமானதைக் கொண்டு சிகிச்சை

by **gud boy** Thu 18 Jul 2013 - 3:23

போதைப் பொருட்களை மருந்தாகப் பாவிப்பதற்கும் இஸ்லாத்தில் அனுமதி இல்லை. ஒருமுறை ஒருவர் தான் மருந்தாக மதுபானம் தயாரிப்பதாகக் கூறினார். அதற்கு நபி (ஸல்) அவர்கள் அது மருந்தல்ல உண்மையில் அது நோயாகும்’ என்றார்கள். (முஸ்லிம், அஹ்மத்)
மற்றொரு சந்தர்ப்பத்தில் நபி (ஸல்) அவர்கள் பின்வருமாறு குறிப்பிட்டார்கள்.
‘அல்லாஹ் நோயையும் அதற்கான மருந்தையும் இறக்கியுள்ளான். ஒவ்வொரு நோய்க்கும் மருந்துண்டு.
எனவே மருந்தை உபயோகிப்பீர்களாக. ஹராமானதைக் கொண்டு சிகிச்சை பெறாதிருப்பீர்களாக’ (அபூதாவூத்)
போதைப் பொருட்களைப் பற்றிக் குறிப்பிட்ட இப்னு மஸ்ஊத் (றழி) ‘அல்லாஹ் உங்களுக்கு அவன் தடை செய்தவற்றில் (நோய்களுக்கான) நிவாரணத்தை அமைத்து வைக்கவில்லை’ என்றார்கள். (புகாரி)
போதை வஸ்துக்கள் ஹராமானவையாகும். அவற்றை மருந்தாகப் பயன்படுத்த அனுமதிப்பது அவற்றில் ஆசையூட்டுவதாக அமையும். அது ஷரீஅத்தின் நோக்கத்திற்கு முரணான ஒன்றாகும். ஷரீஅத் ஒன்றைத் தடைசெய்தால், அதனை எல்லா வகையிலும் தவிர்க்க வேண்டும். எல்லா வழிகளிலும் அதனை விட்டும் தூரமாக வேண்டும்.
போதைப் பொருட்களை மருந்தாகப் பயன்படுத்தலாம் என்று கூறி அனுமதித்தால், மனிதர்கள் அவற்றில் நன்மைகள் இருக்கின்றவே என்று நியாயம் கூறி நோயில்லாத சாதாரண நிலையிலும் அவற்றைப் பயன்படுத்த முற்படுவர்.
உண்மையில் இந்த ஹராமான மருந்தில் இருப்பதாகக் கூறப்படும் நிவாரணத்தைவிட நோய்களே அதிகம் என்பதனை மனதிற்கொள்ளல் வேண்டும்.

ஏ. எம். முஹம்மத் ஸப்வான்,
சீனன்கோட்டை, பேருவளை.
source: dawahworld

by **ahmad78** Thu 18 Jul 2013 - 11:15

பயனுள்ள பதிவு

ஹராமானதைக் கொண்டு சிகிச்சை

ஹராமானதைக் கொண்டு சிகிச்சை

Re: ஹராமானதைக் கொண்டு சிகிச்சை