அழகை ஆராதிக்கும் காதல் பாடல்கள் – வைரமுத்து

--
—
“ஆண்டுக்கு ஆயிரம் பாடல்கள் எழுதப்படுகின்றன.
அதில் முத்துப் பாடல்களாய் ஒலிப்பவை வெறும் பத்துப் பாடல்களே.
-
அந்தப் பாடல்களில் ஒரு பாடலாய் “இரண்டாம் உலகம்’ படத்தில்
ஏதேனும் ஒரு பாடல் இருக்கும். இலக்கிய தேடல் மிக்க இயக்குநர்களுக்கும்,
மொழி ஆசை கொண்ட இசையமைப்பாளர்களுக்கும் எப்போதுமே
நல்ல பாடல்கள் அமைகின்றன.
-
இலக்கியத்தின் சாரங்களை பாட்டுக்குள் கொண்டு வருவதற்குதான்
முப்பது ஆண்டுகளுக்கு மேலாக முயற்சித்து வருகிறேன்.
எனது இலக்கிய அனுபவம் ஒன்றை இந்தப் படத்தின் பாடலாக மடை
மாற்றம் செய்திருக்கிறேன். நான் எழுதிய “மூன்றாம் உலகப் போர்’
நாவலில் எமிலி என்ற அமெரிக்கப் பெண் வானத்தில் பறக்கும்
பறவையை பார்த்து விட்டு, “பறவையின் வெற்றி எதில் இருக்கிறது?”
என்று கேட்பாள்.
-
யாருக்கும் விடை தெரியாது. “”மொத்த ஆகாயத்தையும் மறக்கடித்து
விட்டுத் தன்னை மட்டும் கவனிக்கச் செய்யும் தந்திரத்தில் இருக்கிறது
ஒரு பறவையின் வெற்றி” என்று அவளே சொல்லுவாள்.
“கனிமொழியே என்னை கொன்று போகிறாய்…” என்ற பாடலில்
இந்த இலக்கிய அனுபவத்தை பதிவு செய்திருக்கிறேன்.
-
பெண்களின் அழகை எழுதி எழுதிக் கவிஞர்கள் இளைத்துப்
போனார்கள். ஆனால் பெண்களின் அழகு மட்டும் இளைக்கவே
இல்லை. பெண்களை வர்ணிப்பது என்பது பிழையில்லை.
பெண்ணின் அழகும் பெண்ணுக்கு ஒரு பெருமிதம்தான்.
அதனால்தான் காலந்தோறும் காதல் பாடல்கள் அழகை ஆராதிக்கின்றன.”
————-
- வைரமுத்து

*_ *_ *_ *_ *_ 

:/ :/ 

:/ :/