அரசியல் தலைவர்கள்,மத்திய அரசின் அனுமதி பெற்ற பின்னரே இனி வெளிநாடு செல்ல முடியும்

by *சம்ஸ் Tue 27 Aug 2013 - 8:04

புதுடெல்லி, ஆக. 27-

வெளிநாடுகளின் அழைப்பை ஏற்று அந்நாடுகளுக்கு செல்லும் எம்.பி., எம்.எல்.ஏ.க்கள், அரசியல் கட்சி தலைவர்கள் மற்றும் நீதிபதிகள் இனி மத்திய அரசிடமிருந்து இதற்கான அனுமதியை பெற்ற பின்னரே செல்ல முடியும் என மத்திய உள்துறை அறிவித்துள்ளது.

மத்திய உள்துறை செயலாளர் அனில் கோஸ்வாமி இது தொடர்பாக வெளியிட்டுள்ள அறிவிப்பில் கூறப்பட்டுள்ளதாவது:-

வெளிநாடுகளின் அழைப்பை ஏற்று அந்நாடுகளுக்கு செல்ல விரும்பும் எம்.பி., எம்.எல்.ஏ.க்கள், அரசியல் கட்சி தலைவர்கள் மற்றும் நீதிபதிகள் இனி இணைய தளங்களின் வழியாகவோ, நேரிலோ மத்திய உள்துறை அமைச்சகத்தை அணுகி, வெளிநாடுகள் அனுப்பியுள்ள அழைப்பை காட்டி அனுமதி பெற்ற பின்னரே வெளிநாடுகளுக்கு செல்ல வேண்டும்.

அரசு பணியாளர்கள் மற்றும் அரசு துறை சார்ந்த பணியாளர்களுக்கு 'ஆன் லைன்' மூலம் விண்ணப்பித்தால் மட்டுமே அனுமதி வழங்கப்படும்.

இவ்வாறு அவர் அந்த அறிவிப்பில் கூறப்பட்டுள்ளது.

வலுவான லோக்பால் மசோதாவை நிறைவேற்ற வேண்டும் என்று போராடி வரும் அன்னா ஹசாரே தற்போது அமெரிக்காவில் சுற்றுப் பயணம் செய்து அங்குள்ள இந்தியர்களை சந்தித்து வருகிறார்.

குஜராத் முதல் மந்திரி நரேந்திர மோடி விரைவில் இங்கிலாந்து பாராளுமன்றத்தில் உரையாற்ற உள்ளார்.

இந்த நிலையில், மத்திய உள்துறை அமைச்சகத்தின் இந்த திடீர் அறிவிப்பு அரசுக்கு எதிரான கொள்கையுடையவர்கள் வெளிநாடு செல்வதை தடுக்கும் முயற்சியாக தோன்றுகிறது என சமூக ஆர்வலர்கள் கருதுகின்றனர்.

by **Muthumohamed** Tue 27 Aug 2013 - 21:56

நல்ல முடிவுதான் வரவேர்க்கிறேன்
அரசின் நிறைய பணம் மிச்சம் ஆகும்

காரணம் அரசு பயணம் என்று சொல்லி செல்லும் இவர்கள் சொந்த வேலைகளுக்காக நிறைய பணத்தை செலவழிக்கிறார்கள்

வெளிநாடு செல்லும் இவர்கள் அரசின் பணத்தில் செல்ல வேண்டியது இல்லையே

அதையும் மீறி போகின்றவர்கள் தனது சொந்த பணத்தில் போகட்டுமே ?

அரசியல் தலைவர்கள்,மத்திய அரசின் அனுமதி பெற்ற பின்னரே இனி வெளிநாடு செல்ல முடியும்

அரசியல் தலைவர்கள்,மத்திய அரசின் அனுமதி பெற்ற பின்னரே இனி வெளிநாடு செல்ல முடியும்

Re: அரசியல் தலைவர்கள்,மத்திய அரசின் அனுமதி பெற்ற பின்னரே இனி வெளிநாடு செல்ல முடியும்