திருவனந்தபுரத்தில் போலி ரத்தின கற்கள் விற்ற 4 பேர் கைது

by *சம்ஸ் Sun 15 Sep 2013 - 9:50

திருவனந்தபுரம், செப். 15–
திருவனந்தபுரம் பாலோடு பகுதியைச் சேர்ந்தவர் லாலு. இவரது மனைவி வினுமோள். சம்பவத்தன்று இவர்களது வீட்டுக்கு 4 பேர் வந்தனர். அவர்கள் தங்களிடம் ரத்தின கற்கள் இருப்பதாகவும், அதை குறைந்த விலைக்கு விற்க உள்ளதாகவும் கூறினார்கள்.
அப்போது வீட்டில் வினுமோள் மட்டும் இருந்தார். அவரிடம் அந்த கும்பல் சாதுரியமாக பேசியதால் அவரும் ரத்தின கற்களை வாங்க சம்மதித்தார். ஒரு வழியாக பேரம் பேசி ரூ.60 ஆயிரத்திற்கு ரத்தின கற்களை வினுமோள் வாங்கினார்.
அதன் பிறகு அந்த கும்பலைச் சேர்ந்தவர்கள் பணத்துடன் சென்று விட்டனர். வீட்டிற்கு திரும்பிய கணவர் லாலுவிடம் வினுமோள் தான் வாங்கிய ரத்தின கற்களை காண்பித்தார்.
அதை பார்த்த லாலுவுக்கு அவை போலி என்பது தெரிய வந்தது. உடனே இந்த மோசடி பற்றி பாலோடு போலீசில் புகார் செய்யப்பட்டது.
போலீசார் வழக்குப்பதிவு செய்து விசாரணை நடத்தினர். வினுமோள் கூறிய அடையாளங்களுடன் சுற்றித் திரிந்த அந்த 4 பேரையும் போலீசார் பிடித்து விசாரித்தனர்.
விசாரணையில், அவர்கள் தென்காசி அம்மன் கோவில் தெருவைச் சேர்ந்த பாலமுருகன் (வயது 33), அய்யப்பன் (30), கந்தவேல் (40), சிவகிரியைச் சேர்ந்த ராமசாமி (58) என்பது தெரிய வந்தது. அவர்களை போலீசார் கைது செய்து விசாரித்து வருகிறார்கள்.

நன்றி மாலைமலர்

by **ராகவா** Sun 15 Sep 2013 - 9:54

மக்கள் இவர்களை நம்பிதான் ரத்தின கற்கள் வாங்கிறார்கள் ..அதற்கு இப்படியா
பன்னுவது..கயவர்கள் இருக்கும் வரை நாம் கதி திண்டாட்டமே..

திருவனந்தபுரத்தில் போலி ரத்தின கற்கள் விற்ற 4 பேர் கைது

திருவனந்தபுரத்தில் போலி ரத்தின கற்கள் விற்ற 4 பேர் கைது

Re: திருவனந்தபுரத்தில் போலி ரத்தின கற்கள் விற்ற 4 பேர் கைது