ஆளுங்கட்சி வேட்பாளர்களின் ஆதரவாளர்கள் பரவலாக மோதல்: நடவடிக்கை எடுக்க முடியாமல் பொலிசார் திணறல்

ஆளுங்கட்சி வேட்பாளர்களின் ஆதரவாளர்கள் பரவலாக மோதல்: நடவடிக்கை எடுக்க முடியாமல் பொலிசார் திணறல்


நடைபெறவிருக்கும் உள்ளூராட்சித் தோ்தலில் போட்டியிடும் ஆளுங்கட்சியின் வேட்பாளர்களின் ஆதரவாளர்கள் தங்களுக்கிடையில் பரவலாக மோதிக் கொள்வதால் அவர்களுக்கு எதிராக நடவடிக்கை எடுக்க முடியாமல் பொலிசார் திணறி வருகின்றனர்.

ஆளுங்கட்சியின் அடிதடி அமைச்சர்களில் முக்கியமானவரான அமைச்சர் மோ்வின் சில்வாவின் களனித் தொகுதியில் கூட அண்மையில் இரண்டு வேட்பாளர்களின் ஆதரவாளர்கள் மோதிக் கொண்டுள்ளனர்.
சபுகஸ்கந்தையில் இடம்பெற்ற மோதலின் போது ஒரு தரப்பினரின் தாக்குதலுக்கு இலக்கான மற்றைய குழுவினரில் ஐவர் காயமடைந்துள்ளனர். அதுபற்றி பொலிசிலும் முறைப்பாடு செய்யப்பட்டுள்ளது.
சில நாட்களுக்கு முன் காலி மாவட்டத்தில் ஆளுங்கட்சியின் இரண்டு வேட்பாளர்களின் ஆதரவாளர்கள் மத்தியில் ஏற்பட்ட மோதலின் போது துப்பாக்கிப் பிரயோகமும் இடம் பெற்றிருந்ததது. அது தொடர்பாகவும் பொலிசில் முறைப்பாடு செய்யப்பட்டிருந்தது.
ஆயினும் அவ்வாறான முறைப்பாடுகள் தொடர்பில் பொலிசார் எதுவித நடவடிக்கையும் எடுக்க முடியாத நிலையில் உள்ளனர். அவ்வாறு நடவடிக்கை எடுக்க முயற்சித்தாலும் ஆளுங்கட்சி முக்கியஸ்தர்கள் பொலிசாரை அச்சுறுத்தும் வகையில் நடந்து கொள்வதாக அறியக் கிடைத்துள்ளது.

இவர்களுக்கு வேலை இல்லை போங்க...