வித்தியாசமான ஆம்லெட் ரெசிபிக்கள்!!!

by **ahmad78** Thu 26 Sep 2013 - 16:22

காலை உணவு மிகவும் இன்றியமையாத ஒன்று. ஒருவர் எந்த வேளையில் சாப்பிடாமல் இருந்தாலும், காலை வேளையில் தவறாமல் சாப்பிட வேண்டும். ஏனெனில் காலை உணவு தான் ஒரு நாளைக்கு வேண்டிய ஆற்றலைக் கொடுக்கக்கூடியது. தற்போது அனைவரும் வேலைக்கு செல்வதால், காலையில் என்ன உணவுகளை சமைப்பது என்ற குழப்பத்திலேயே காலை உணவைத் தவிர்த்துவிடுகின்றனர். மேலும் பள்ளி செல்லும் குழந்தைகளுக்கு அவர்களின் ஆற்றலை நிலைக்க செய்ய காலை உணவு முக்கியமானது.

எனவே காலையில் நல்ல ஆரோக்கியமான உணவை சாப்பிட நினைத்தால், ஆம்லெட் செய்து சாப்பிடலாம். பொதுவாக ஆம்லெட் என்றால், வெங்காயம் மற்றும் தக்காளியை போட்டு நன்கு அடித்து, ஆம்லெட்டுகளாக செய்வோம். ஆனால் ஆம்லெட்டுகளில் பல வெரைட்டிகள் உள்ளன. அவற்றில் சிலவற்றை உங்களுக்காக தமிழ் போல்ட் ஸ்கை பட்டியலிட்டுள்ளது. அதைப் படித்து அவற்றை காலையில் செய்து சாப்பிட்டு, உடலை ஆரோக்கியமாக வைத்துக் கொள்ளுங்கள்

by **ahmad78** Thu 26 Sep 2013 - 16:24

காளான் ஆம்லெட்

காளான் ஆம்லெட் எளிமையான மற்றும் ஆரோக்கியமான ஒரு ரெசிபி. குறிப்பாக இது நீரிழிவு நோயாளிகளுக்கு ஏற்ற ஒரு உணவு என்றும் சொல்லலாம். ஏனெனில் இதில் சேர்க்கப்படும் காளான், இரத்தத்தில் உள்ள சர்க்கரையின் அளவை கட்டுப்பாட்டுடன் வைக்கிறது. மேலும் இதனை காலையில் சாப்பிட்டால், அது உடலுக்கு வேண்டிய சக்தியையும் கொடுக்கிறது.
இப்போது அந்த காளான் ஆம்லெட்டை எப்படி செய்வதென்று பார்ப்போமா!!!

தேவையான பொருட்கள்:
நல்லெண்ணெய் - 2 டேபிள் ஸ்பூன்
வெஜிடேபிள் எண்ணெய் - 1 டேபிள் ஸ்பூன்
பச்சை மிளகாய் - 1 (பொடியாக நறுக்கியது)
இஞ்சி - 1 டேபிள் ஸ்பூன் (துருவியது)
காளான் - 150 கிராம் (சிறியதாக நறுக்கியது)
வெங்காயம் - 2 (நறுக்கியது)
முட்டை - 6 (அடித்தது)
உப்பு - தேவையான அளவு
செய்முறை:
முதலில் ஒரு வாணலியை அடுப்பில் வைத்து, அதில் எண்ணெய்களை ஊற்றி காய்ந்தும், பச்சை மிளகாய், இஞ்சி, வெங்காயம் மற்றும் காளான் சேர்த்து தீயை குறைவில் வைத்து, காளான் பொன்னிறமாகும் வரை வதக்கிக் கொள்ள வேண்டும்.
பின்பு அதில் உப்பு சேர்த்து நன்கு வதக்கி விட்டு இறக்க வேண்டும்.
பிறகு அடித்து வைத்திருக்கும் முட்டையில் வதக்கிய கலவையை போட்டு கலந்து கொள்ள வேண்டும்.
அடுத்து, தோசைக்கல்லை அடுப்பில் வைத்து, அதில் முட்டையை கலவையை ஆம்லெட்டுகளாக போட்டு எடுக்க வேண்டும்.
இப்போது சூப்பரான காளான் ஆம்லெட் ரெடி!!!

http://tamil.boldsky.com/recipes/non-veg/mushroom-omlette-003758.html

by **ahmad78** Thu 26 Sep 2013 - 16:25

பசலைக்கீரை ஆம்லெட்

காலை வேளையில் எளிமையான முறையில் செய்யக்கூடிய ஒரு ஆரோக்கியமான உணவை சாப்பிட நினைத்தால், பசலைக்கீரை ஆம்லெட் செய்து சாப்பிடுங்கள். ஏனெனில் இந்த ரெசிபியில் உள்ள பசலைக்கீரை மற்றும் முட்டையைக் கொண்டு போடப்படும் ஆம்லெட்டில், உடலுக்கு வேண்டிய அனைத்து சத்துக்களும் கிடைத்து, அந்த நாள் முழுவதும் நன்கு சுறுசுறுப்புடன் செயல்பட முடியும். மேலும் இந்த ரெசிபியை குழந்தைகளும் விரும்பி சாப்பிடுவார்கள்.
குறிப்பாக காலையில் ஒரு டம்ளர் பால் குடித்துவிட்டு, இந்த பசலைக்கீரை ஆம்லெட் போட்டு சாப்பிட்டால், வயிறு நிறையும். சரி, இப்போது அந்த பசலைக்கீரை ஆம்லெட் ரெசிபியை எப்படி செய்வதென்று பார்ப்போமா!!!

வித்தியாசமான ஆம்லெட் ரெசிபிக்கள்!!! 22-green-spinach-omelette-600-jpg

வித்தியாசமான ஆம்லெட் ரெசிபிக்கள்!!! 22-green-spinach-omelette-600-jpg

தேவையான பொருட்கள்:
முட்டை - 2
பசலைக்கீரை - 1 கப்
சீஸ் - 1 கட்டி (துருவியது)
மிளகு - 1/2 டீஸ்பூன்
உலர்ந்த கற்பூரவள்ளி இலை - 1/2 டீஸ்பூன்
கொத்தமல்லி - 1 கட்டு (நறுக்கியது)
வெண்ணெய் - 1 டீஸ்பூன்
பால் - 1 டேபிள் ஸ்பூன்
உப்பு - தேவையான அளவு
செய்முறை:
முதலில் ஒரு பாத்திரத்தில் தண்ணீரை ஊற்றி அடுப்பில் வைத்து, நன்கு கொதிக்க விட வேண்டும்.
தண்ணீரானது நன்கு கொதித்ததும், அதில் பசலைக்கீரையை போட்டு, மூடி வைத்து 2-3 நிமிடம் வேக வைத்து இறக்க வேண்டும்.
பின்னர் அதில் உள்ள நீரை வடித்துவிட்டு, கையால் அதனை லேசாக பிசைந்து தனியாக வைத்துக் கொள்ள வேண்டும்.
பின்பு ஒரு பௌலில் முட்டைகளை உடைத்து ஊற்றி, பால், உப்பு, மிளகு மற்றும் உலர்ந்த கற்பூரவள்ளி இலைகளைப் போட்டு நன்கு அடித்துக் கொள்ள வேண்டும்.
பிறகு அதில் பசலைக்கீரை மற்றும் கொத்தமல்லியைப் போட்டு, மீண்டும் நன்கு அடித்துக் கொள்ள வேண்டும்.
இறுதியில் ஒரு தோசைக்கல்லை அடுப்பில் வைத்து, அதில் வெண்ணெய் போட்டு உருகியதும், அடித்து வைத்துள்ள முட்டைக் கலவையை ஆம்லெட்டுகளாக ஊற்றி, சீஸை தூவி, முன்னும் பின்னும் வேக வைத்து எடுத்தால், சூப்பரான பசலைக்கீரை ஆம்லெட் ரெடி!!!

http://tamil.boldsky.com/recipes/non-veg/green-spinach-omelette-003793.html

by **ahmad78** Thu 26 Sep 2013 - 16:27

வெஜிடேபிள் ஆம்லெட்

தேவையான பொருட்கள்:
முட்டை - 2-3
வெங்காயம் - 1 (நறுக்கியது)
தக்காளி - 1/2 (நறுக்கியது)
பச்சை மிளகாய் - 2 (நறுக்கியது)
பீன்ஸ் - 1 (நறுக்கியது)
மிளகு தூள் - 1 சிட்டிகை
மிளகாய் தூள் - 1/2 டீஸ்பூன்
பால் - 1 டேபிள் ஸ்பூன்
உப்பு - தேவையான அளவு
எண்ணெய் - தேவையான அளவு
செய்முறை:
முதலில் முட்டையை ஒரு பாத்திரத்தில் உடைத்து ஊற்றி, நன்கு அடித்துக் கொள்ள வேண்டும்.
பின் அதில் பால், வெங்காயம், தக்காளி, பீன்ஸ், பச்சை மிளகாய், உப்பு, மிளகு தூள் மற்றும் மிளகாய் தூள் சேர்த்து நன்கு கலந்து கொள்ள வேண்டும்.
அடுத்து தோசைக் கல்லை அடுப்பில் வைத்து, சூடேற்ற வேண்டும்.
கல்லானது சூடானதும், அதில் சிறிது எண்ணெய் ஊற்றி, அடித்து வைத்துள்ள முட்டையை ஆம்லெட் போல் ஊற்றி, தீயை குறைவில் வைத்து, முன்னும், பின்னும் வேக வைத்து எடுக்க வேண்டும்.
இப்போது சுவையான வெஜிடேபிள் ஆம்லெட் ரெடி!!!

http://tamil.boldsky.com/recipes/non-veg/vegetables-omelette-breakfast-recipe-002855.html

by **ahmad78** Thu 26 Sep 2013 - 16:30

ப்ரெஞ்ச் உருளைக்கிழங்கு ஆம்லெட்

பொதுவாக காலை வேளையில் சீக்கிரம் சமைக்கும் வகையில் இருக்கும் ரெசிபியைத் தான் செய்ய நினைப்போம். ஏனெனில் யாருக்கும் காலையில் எழுந்ததும், நல்ல வகை வகையாக சமைத்து சாப்பிட வேண்டும் என்று தோன்றாது. ஆகவே அப்போது உடலுக்கு ஆரோக்கியத்தை தரும் வகையிலும், விரைவில் சமைக்கும் வகையிலும் ஒரு ரெசிபி உள்ளது.
அதற்கு முட்டை, உருளைக்கிழங்கு இருந்தால் போதுமானது. இந்த ரெசிபிக்கு ப்ரெஞ்ச் உருளைக்கிழங்கு ஆம்லெட் என்று பெயர். இது சாதாரணமாக செய்யும் ஆம்லெட் போன்றது தான். ஆனால் என்ன உருளைக்கிழங்கு சேர்த்ததால், இது உருளைக்கிழங்கு ஆம்லெட் ஆயிற்று. சரி, இப்போது அந்த ப்ரெஞ்ச் உருளைக்கிழங்கு ஆம்லெட்டை எப்படி செய்வதென்று பார்ப்போமா!!!

தேவையான பொருட்கள்:
முட்டை - 3
உருளைக்கிழங்கு - 2 (தோலுரித்து, சிறிதாக நறுக்கியது)
வெண்ணெய் - 2 டீஸ்பூன்
கொத்தமல்லி - 2 டீஸ்பூன் (நறுக்கியது)
உப்பு - தேவையான அளவு
மிளகுத் தூள் - தேவையான அளவு
செய்முறை:
முதலில் ஒரு அகன்ற பேனை அடுப்பில் வைத்து, அதில் வெண்ணெய் போட்டு உருகியதும், உருளைக்கிழங்கைப் போட்டு, பொன்னிறமாக வறுக்க வேண்டும்.
அதே சமயம் ஒரு பௌலில் முட்டையை உடைத்து ஊற்றி, கொத்தமல்லி, உப்பு மற்றும் மிளகுத் தூள் சேர்த்து நன்கு அடித்துக் கொள்ள வேண்டும்.
பிறகு அந்த உருளைக்கிழங்கின் மீது அடித்து வைத்துள்ள முட்டையை ஆம்லெட் போல் ஊற்றி, முட்டையை நன்கு வேக வைத்து, கவனமாக மடித்து ஒரு தட்டில் வைக்க வேண்டும்.
இப்போது சுவையான ப்ரெஞ்ச் உருளைக்கிழங்கு ஆம்லெட் ரெடி!!!

http://tamil.boldsky.com/recipes/non-veg/french-potato-omelette-002749.html

by **ahmad78** Thu 26 Sep 2013 - 16:32

காளான் ஆம்லெட்

முட்டை உடலுக்கு எவ்வளவு நல்லதோ, அதேப்போல் காளானும் மிகவும் சிறந்தது. அதிலும் இந்த முட்டையில் செய்யப்படும் ஆம்லெட்டில் நிறைய வகைகள் உள்ளன. அந்த வகைகளில் காளானை வைத்தும் ஆம்லெட் செய்யலாம். இந்த ரெசிபியானது செய்துவது மிகவும் எளிது. மேலும் இது குழந்தைகளுக்கு ஏற்ற ஒரு சிறந்த காலை உணவாக கூட இருக்கும். இப்போது அந்த காளான் ஆம்லெட் எப்படி செய்வதென்று பார்ப்போமா!!!
தேவையான பொருட்கள்:
முட்டை - 3
பட்டன் காளான் - 2 டேபிள் ஸ்பூன் (நறுக்கியது)
வெங்காயம் - 2 (நறுக்கியது)
சாட் மசாலா - 1 சிட்டிகை
மிளகு தூள் - 1 டீஸ்பூன்
வெண்ணெய் - 2 டேபிள் ஸ்பூன்
உப்பு - தேவையான அளவு
செய்முறை:
முதலில் ஒரு பௌலில் முட்டையை உடைத்து ஊற்றி, உப்பு மற்றும் மிளகு தூள் சேர்த்து நன்கு அடித்துக் கொள்ள வேண்டும்.
அதே சமயம் ஒரு வாணலியை அடுப்பில் வைத்து, அதில் வெண்ணெயை போட்டு உருகியதும், காளான் மற்றும் வெங்காயத்தை போட்டு, 2 நிமிடம் வதக்கி, உப்பு சிறிது தூவி, மறுபடியும் நன்க கிளறி விட வேண்டும்.
பின் ஒரு வாணலியை அடுப்பில் வைத்து, அதில் முட்டை கலவையை தோசைப் போல் ஊற்றி, இருபுறமும் வேக வைத்து, பிறகு அதனை ஒரு தட்டில் வைத்து, அதன் மேல் அந்த காளானை பரப்பி, சாட் மசாலாவை தூவி, மடக்க வேண்டும்.
இப்போது சூப்பரான காளான் ஆம்லெட் ரெடி!!!

http://tamil.boldsky.com/recipes/non-veg/mushroom-omelette-recipe-002514.html