சோமாலியாவில் புயல் தாக்கி 100 பேர் பலி

by **நண்பன்** Wed 13 Nov 2013 - 10:54

சோமாலியாவில் புயல் தாக்கி 100 பேர் பலி
சோமாலியாவை தாக்கிய புயலில் சிக்கி சுமார் 100 பேர் பலியாகி இருக்கலாம் என அஞ்சப்படுகிறது.

இந்திய பெருங்கடலில் உருவான புயல் ஆபிரிக்க நாடான சோமாலியாவின் புந்த்லேன்ட் பகுதியில் நேற்று முன்தினம் கரையை கடந்தது. புயல் எதிரொலியாக கடும் சூறாவளியும், கனமழையும் அதனைத் தொடர்ந்து வெள்ளப்பெருக்கும் உண்டானது. புயல் மற்றும் மழைக்கு பலியானவர்களின் எண்ணிக்கை 100ஐ தாண்டும் என தகவல் வெளியாகியுள்ளது. மேலும், நூற்றுக்கணக்கான மக்களைக் காணவில்லை என மீட்புப் பணியில் படுபட்டுள்ளோர் தெரிவித்துள்ளனர்.

இதனால், பலி எண்ணிக்கை மேலும் அதிகரிக்கலாம் என அஞ்சப்படுகிறது.

கன மழையால் ஏற்கனவே சுமார் 1 இலட்சம் பேர் வீடுகளை இழந்து தவித்துவரும் நிலையில், மழை இன்று வரை நீடிக்கும் என அந்நாட்டு வானிலை மையம் எச்சரித்துள்ளது. எனவே மேலும் பலர் வீடுகளை இழக்கும் அபாயம் அங்கு நிலவுகிறது. மீட்புப் பணியில் தீவிரமாக ஈடுபட்டு வரும் அந்நாட்டு அரசு புனரமைப்பு பணிகளுக்காக சர்வதேச நாடுகளின் உதவியை கோரியுள்ளது குறிப்பிடத்தக்கது.

இம்போர்ட் மிரர்