சென்னை கலங்கரை விளக்கம் இன்று முதல் மக்கள் பார்வைக்கு

சென்னை கலங்கரை விளக்கம் இன்று முதல் மக்கள் பார்வைக்கு
சென்னை சாந்தோம் கலங்கரை விளக்கத்தை இன்று முதல் பொதுமக்கள் சுற்றிப் பார்க்கலாம். சென்னை சாந்தோமில் மொனா கடற்கரை முடியும் இடத்தில் கலங்கரை விளக்கம் உள்ளது. இது 1977 இல் திறக்கப்பட்டது. 10 மாடிகளில் 45 மீற்றர் உயரம் உள்ள இந்த கலங்கரை விளக்கத்தில் பொதுமக்கள் ஏறி சென்னை நகரின் எழில் மிகு தோற்றத்தையும் வங்கக்கடலின் அழகையும் பார்த்து ரசிக்கலாம்.

கலங்கரை விளகத்தின் உச்சியில் அமைக்கப்பட்டுள்ள கோபுர விளக்கானது இரவு நேரத்தில் கப்பல்களுக்கு வழிகாட்டும் வகையில் சுழன்று செல்லும். கடந்த 1994 ஆம் ஆண்டு முதல் பாதுகாப்பு கருதி கலங்கரை விளக்கத்தில் பொதுமக்கள் ஏறிப்பார்க்க தடை விதிக்கப்பட்டது.

சென்னையின் அடையாள சின்னங்களில் ஒன்றான கலங்கரை விளக்கத்தை சுற்றிப் பார்க்க அனுமதிக்க வேண்டும் என்று பொதுமக்கள் கோரிக்கை விடுத்தனர். இதையடுத்து மத்திய கப்பல் போக்குவரத்துத்துறை மந்திரி ஜி.கே. வாசன் கலங்கரை விளக்கத்தை மீண்டும் புதுப்பித்து பொதுமக்கள் பார்வையிட அனுமதி அளிக்க உத்தரவிட்டார்.

இதைத் தொடர்ந்து கலங்கரை விளக்கம் 1 கோடி ரூபா செலவில் புதுப்பிக்கப்பட்டுள்ளது. பழைய லிப்ட்டுக்கு பதிலாக புதிய லிப்ட் பொருத்தப்பட்டுள்ளது. 23 விநாடிகளில் 9வது மாடியை சென்றடையலாம். அங்கிருந்து 25 படிக்கட்டுகளில் ஏறி 10 வது மாடியை அடையலாம். 10வது மாடியில் இருந்து வங்கக்கடல் மற்றும் சென்னையின் எழில்மிகு தோற்றத்தை பொதுமக்கள் கண்டுகளிக்கலாம்.

10வது மாடி வரை செல்வதற்கு 242 படிக்கட்டுகளும் உள்ளன. மாற்றுத் திறனாளிகளுக்காக 2 சாய்தள பாதைக ளும் அமைக்கப்பட்டுள்ளன. பொது மக்கள் பாதுகாப்புக்காக 20 இடங்களில் கண்காணிப்பு கெமராக்களும், டோர் மெட்டல் டிடெக்டர்களும் அமைக்கப் பட்டுள்ளன. கலங்கரை விளக்கத்தின் தரைத்தளத்தில் புதிய அருங்காட்சியகமும் அமைக்கப்பட்டுள்ளது.

தினகரன்

ம்ம்ம் போய் பார்க்கனும்...

நான் நேரம் கிடைக்கும் போது வந்து பார்கிறேன்