நிந்தவூரில் மர்ம மனித அட்டகாசம்

by **முனாஸ் சுலைமான்** Mon 18 Nov 2013 - 17:59

நிந்தவூரில் கடந்த ஒரு வார காலத்திற்கு மேலாக திருட்டு மற்றும் வீடுகளுக்கு கல் எறிதல் என பொது மக்களை அச்ச நிலைக்கு உட்படுத்திக் கொண்டிருந்த குழுவினரை நேற்று (17.11.2013) இரவு 11 மணியளவில் பொது மக்கள் கடற் கரைப் பூங்காவிற்கு அருகில் தங்களது சீருடையை அணிவதற்கு ஏற்கனவே அணிந்து இருந்த டீசேர்ட்டை மாற்றுவதற்கு முற்பட்ட வேளையிலேயே இவர்கள் அகப்பட்டுள்ளார்கள்.

மடக்கிப் பிடிக்க முற்பட்ட போது, குறிப்பிட்ட இடதிற்கு விஜயம் செய்த விஷேட அதிரடிப்படையினர் இவர்கள் பொது மக்களிடம் இருந்து தப்பித்துக் கொள்வதற்காக வானை நோக்கி சுமார் ஒரு மணித்தியாலங்கள் துப்பாக்கி வேட்டுக்களை மேற் கொண்டிருக்கின்றார்கள்.

இதேவேளை மடக்கிப்பிடிக்கப்பட்ட மர்ம நபர் பாதுகாப்பு தரப்பினரால் கொண்டு செல்லப்பட்டார்.

இதேவேளை இரவு வேலை முதல் இன்று வரை நிந்தவூரில் அமைதியின்மை நிலைமை ஏற்பட்டுள்ளது. மேலும் மர்ம நபர்களை பாதுகாப்பு தரப்பினர் கொண்டு சென்றமைக்காக எதிர்ப்பு தெரிவித்து தற்ற்போது நிந்தவூரெங்கும் ஹர்த்தால் அனுஷ்டிக்கப்படுகிறது. மேலும் நேற்று இரவு பொது மக்களால் மடக்கிப்பிடிக்கப்பட்ட இடத்தில் மர்ம நபர்களின் Bag தற்போது (இன்று 18.11.2013) காலையில் பொது மக்களால் கண்டெடுக்கப்படாது அதில் STF இனரின் தொப்பி, மூக்கில் கட்டும் வலை, T-Shirt கள் மற்றும் இதர பொருட்களை மக்கள் கண்டெடுத்துள்ளனர்.

இதேவேளை நிந்தவூரில் இடம்பெற்ற சம்பவத்தில் நிந்தவூர் பிரதேச சபைத் தவிசாளர் உட்பட சிலருக்கு காயம். காயமடைந்தவர்கள் கல்முனை அஸ்ரப் ஞாபகார்த்த வைத்தியசாலையிலும், நிந்தவூர் மாவட்ட வைத்தியசாலையிலும் அனுமதிக்கப்பட்டுள்ளதாக தெரிய வருகின்றது. பிரதேச சபைத் தவிசாளர் கல்முனை அஸ்ரப் ஞாபகார்த்த வைத்தியசாலையில் அனுமதிக்கப்பட்டுள்ளார். நிந்தவூரில் மர்ம மனித அட்டகாசம் 1422522_777890545570119_1110484150_n