ஜனாதிபதி தினமும் உடற்பயிற்சி; தேகாரோக்கியத்துடன் இருக்கிறார்

by **நண்பன்** Sun 13 Feb 2011 - 23:03

ஜனாதிபதி தினமும் உடற்பயிற்சி;
தேகாரோக்கியத்துடன் இருக்கிறார்

ஈ நியூஸ் இணையத்தளம் ஜனாதிபதி நோய்வாய்ப்பட்டு இருக்கிறார் என்று ஒரு போலியான தகவலை
வெளியிட்டதை அடுத்து ஜனாதிபதி அவர்கள் நோயினால் கடுமையாக பாதிக்கப்பட்டுள்ளார் என்ற
வதந்தி நாடெங்கிலும் காட்டுத்தீ போல் பரவ ஆரம்பித்தது.ஜனாதிபதி மஹிந்த ராஜபக்ஷ அமெரிக்காவில் வாழ்ந்து வரும் தனது இளைய சகோதரருடன் சில
நாட்கள் தங்கியிருந்து ஓய்வெடுப்பதற்காக கடந்த மாதம் அமெரிக்கா சென்றிருந்த
வேளையிலேயே இந்த வதந்திகளை சில விஷமிகள் நாட்டில் பரப்பினார்கள்.
நாடு திரும்பிய
பின்னர், இதுபற்றி அனைவரும் ஜனாதிபதியிடம் முறைப்பாடு செய்ததை அடுத்து, நான்
சுகதேகியாக இருக்கிறேன். எனக்கு எந்தவித நோய்ப் பாதிப்பும் இல்லை என்று பகிரங்கமாக
அறிவித்தார்.ஜனாதிபதி நாளாந்தம் அதிகாலை 4 மணிக்கு அலரி மாளிகையிலுள்ள உடற்பயிற்சி கூடத்திற்கு
சென்று சுமார் ஒரு மணிநேரம் உடற்பயிற்சி செய்வார். அதற்குப் பின்னரே அவர் தனது
நிர்வாகப் பணிகளை ஆரம்பிக்கிறார்.இருதினங்களுக்கு முன்னர் அதிகாலையில் ஜனாதிபதி உண்மையிலேயே சுகதேகியாக இருக்கிறாரா
என்பதை நேரில் கண்டறிவதற்காக, திடீரென்று திவயின சிங்களப் பத்திரிகை ஆசிரியர் காமினி
சுமனசேகர அலரிமாளிகைக்குச் சென்றிருந்தார். அப்போது, அவர் ஜனாதிபதி அவர்கள்
தீவிரமாக உடற்பயிற்சியில் ஈடுபடுவதைப் பார்த்து சந்தோஷப்பட்டார்.
மறுதினம் அவர்
ஜனாதிபதி நல்ல சுகதேகியாக இருந்து உடற்பயிற்சி செய்கிறார் என்ற தலைப்பில், ஜனாதிபதி
உடற்பயிற்சி செய்யும் படங்களுடன் கட்டுரை ஒன்றை எழுதியிருக்கிறார்.இவ்விதம் தான், எதிர்க்கட்சியைச் சேர்ந்த சில விஷமிகளும், சில இணையத்தளங்களும், போலி
செய்திகளை ஜனாதிபதிக்கு எதிராக வதந்திகளாகப் பரப்பி வருவது ஊர்ஜிதமாகியுள்ளது.