உலகக் கோப்பை கபடி போட்டியில் இந்தியா சாம்பியன் பட்டம்

by **ராகவா** Sat 14 Dec 2013 - 7:40

ஜலந்தர் - பெண்களுக்கான உலகக் கோப்பை கபடி போட்டியில் இந்தியா சாம்பியன் பட்டம் வென்றுள்ளது.

பஞ்சாப் மாநிலத்தில் உலகக் கோப்பை கபடி போட்டி நடைபெற்று வருகிறது. இன்று நடைபெற்ற பெண்களுக்கான இறுதிப் போட்டியில் இந்தியா மற்றும் நியுஸிலாந்து அணிகள் மோதின. இதில் இந்திய மகளிர் அணியினர் அபாரமாக விளையாடினர். 49-21 என்ற புள்ளிக் கணக்கில் நியுஸிலாந்து அணியை இந்தியா தோல்வியுறச் செய்தது.

உலகக் கோப்பை கபடிப் போட்டியில் இந்திய மகளிர் அணியினர் தொடர்ந்து மூன்றாவது முறையாக பட்டம் வென்றுள்ளது குறிப்பிடத்தக்கது. வெற்றி பெற்ற இந்திய அணி ரூ 1 கோடி பரிசாக வென்றது. சிறந்த தடுப்பாட்டக்காரராக இந்தியாவின் அனுராணியும், சிறப்பான ரைடராக இந்தியாவின் ராம்பத்தேரியும் தேர்ந்தெடுக்கப்பட்டு மாருதி ஆல்டோவை பரிசாகப் பெற்றனர்.

மூன்றாம் இடத்திற்கான போட்டியில் டென்மார்க், பாகிஸ்தானை 34-33 என்ற புள்ளிக் கணக்கில் வென்றது. ஆண்களுக்கான இறுதிப் போட்டி 14.12.2013 அன்று நடைபெறுகிறது. இதில் இந்திய அணி பாகிஸ்தானை எதிர்கொள்கிறது.

உலகக் கோப்பை கபடி போட்டியில் இந்தியா சாம்பியன் பட்டம் Indianflag_200_134

நன்றி:இந்நேரம்.காம்