22 ஆண்டுகளாக அமெரிக்காவால் தேடப்பட்ட கொலை குற்றவாளி இந்தியாவில் கைது

by *சம்ஸ் Mon 14 Feb 2011 - 6:30

புதுடில்லி: 22 ஆண்டுகளாக அமெரிக்காவால் ‌ தேடப்பட்டு வந்த கொலை குற்றவாளி இந்தியாவில் கைது செய்யப்பட்டான். அவனை நாடு கடத்த வெளியுறவுத்‌துறை அமைச்சகம் முடிவு செய்துள்ளதாக தகவல்கள்வெளியாகியுள்ளன. மெகபூஸ் ஹக் (44) என்பவன் அமெரிக்கா குடியுரிமை பெற்றவன். இவனது பெற்ற‌ோர் வங்கதேச நாட்டிலிருந்து பிழைப்பிற்காக அமெரிக்காவின் இன்டியானா மாகாணத்தில் ஸ்டீயூபன் கவுண்டி நகரில் குடியேறினர். மெகபூஸ்ஹக் , ஈல்க்ஹார்ட் நகரில் உள்ள சி.எஸ்.டி. எலக்ட்ரானிக்ஸ் நிறுவனத்தில் பணியாற்றி வந்தான். அப்போது கிறிஸ்டினி மெட்ஸ்பில்டு என்ற பெண்ணை காதலித்தார். சில நாட்களுக்கு பின் மெட்ஸ்பில்டு மெகபூஸ் ஹக்கை விட்டுவிலகி கெல்லி எனபவரை காதலித்ததாக கூறப்படுகிறது. இது மெகபூஸிற்கு ஆத்திரத்தை ஏற்படுத்தியது. கடந்த 1989-ம் ஆண்டு ஆகஸ்ட் மாதம் 8-ம் தேதி கெல்லேயின் வீட்டிற்கு சென்ற போது அங்கு தனது காதலி மெட்ஸ்பில்டும் இருந்தது ‌தெரியவரவே ,கெல்லி, ஆத்திரமடைந்த மெகபூஸ்ஹக் மெட்ஸ்பில்டு இருவரையும் கொடூரமாக கொலை செய்துள்ளான். பின்னர் ஆகஸ்ட் 11-ம் தேதி சிகாகோ விமான நிலையத்திலிருந்து மெக்சிகோவிற்கு தப்பியோடினார். அமெரிக்க போலீசார் கொலையாளி மெகபூஸ்தான் என கண்டுபிடித்தது , ஸ்டீயூபன் கவுண்டி கோர்ட் கடந்த ஆகஸ்ட் 22-ம் தேதி கைது வராண்ட் பிறப்பித்தது. ஆனால் மெகபூஸ் வங்கதேசம் சென்று போலி பாஸ்‌பார்ட் , விசா மூலம் பெயர், பிறந்த தேதி ஆகியவற்றை மாற்றி ஆசிப்-உல்-ஹக் என்ற பெயரில் சிறிது காலம் டாக்காவில் உள்ள விளையாட்டு பள்ளியில் பணியாற்றியுள்ளான். இவனை சர்வதேச போலீஸ் அமைப்பான இன்‌டர்போல் அமைப்பும் ரெட் கார்னர் நோட்டீஸ் அனுப்பியிருந்தது. அப்படியிருந்தும் மெகபூ‌‌‌ஸை கண்டுபிடிக்க முடியவில்லை. இந்நிலையில் இந்தியாவில் ‌டேபிஸ் டென்னிஸ் பயிற்சி முகாம் கலந்து கொள்ள வங்கதேசம் சார்பில் இந்தியா வந்துள்ளான். அப்போது இவனது பாஸ்போர்ட் மற்றும் பெயரில் சில ‌சந்தேகங்கள் இருப்பதாக டில்லியில் உள்ள அமெரிக்க தூதரகத்தின் கவனத்திற்கு வந்தது. சி.பி.ஐ. யினர் நடத்திய ரகசிய விசாரணையில் இவன் அமெரிக்காவில் தேடப்படும் கொலையாளி என தெரிவர கடந்த2011-ம் ஆண்டு பிப்.10-ம் தேதி புதுடில்லி இந்திரா காந்தி சர்வதேச விமான நிலைத்தில் போலீசாரால் கைது செய்யப்பட்டான். 22 ஆண்டுகளாக அமெரிக்க போலீஸூக்கு கண்ணாமூச்சி காட்டிய ஹக் இந்தியாவில் வசமாக சிக்கிக்கொண்டான். இது குறித்து இந்திய வெளியுறவுத்துறை அமைச்சகம் கூறுகையில், அமெரிக்காவுடன் கடந்த 1997-ம் ஆண்டு ஜூன் 25-ம் தேதி வெளிநாட்டு கைதிகள் பரிமாற்ற ஒப்பந்தம் ஏற்பட்டுள்ளது. அதன் அடிப்ப‌‌டையில் அவனை அமெரிக்காவுக்கு அனுப்பி வைப்போம் என கூறியுள்ளது

தினமலர்