தாகூரின் பிரார்த்தனை

-

கடவுளிடம் மனிதர்களின் பிரார்த்தனை பலவிதமாக
இருக்கும். என்னை காப்பாற்று, என் மக்களைக்
காப்பாற்று, எனக்கு இதை கொடு, அருள் கொடு,
பணக்காரனாக்கு, நோயிலிருந்து காப்பாற்று என
பலர் பலவிதமாக பிரார்த்தனை செய்வார்கள்.
-
ஆனால், வங்கதேசக் கவிஞர் ரவீந்திரநாத் தாகூரின்
பிரார்த்தனையைப் பாருங்கள்.
-
* இறைவா, அபாயங்களிலிருந்து என்னைப் பாதுகாக்கும்படி
உன்னிடம் நான் பிரார்த்திக்க மாட்டேன். ஆனால்,
அபாயங்களை எதிர்நோக்கும் பயமற்ற தன்மையை
எனக்குக் கொடு
-
* என் வேதனைகளையும் வலிமைகளையும் மறக்கும்படி
செய் என உன்னைக் கெஞ்ச மாட்டேன். ஆனால்,
அவற்றை வெல்லும் இதயத்தை எனக்குக் கொடு.
-
* வாழ்க்கைப் போராட்டத்தில் நான் துணைவர்களை
நாடி நிற்க வேண்டாம். எனக்கு சொந்த பலத்திலேயே
போராட அருள் புரிவாயாக.
-
* பொறுமை இல்லாத பயத்தில் என்னைப் பதறவிடாதே.
ஆனால், என்னுடைய சுதந்திரத்தைக் காக்கத் தேவையான
பொறுமையைக் கொடு.
-
* வெற்றியை மட்டும் உன்னிடம் யாசித்துப் பெறும்
கோழையாக என்னை ஆக்கிவிடாதே. என்னுடைய
தோல்விகளையும் உன்னுடைய அருளால் வெற்றி
வாய்ப்பாக மாற்றி அருள் புரிவாயாக.
-
நமது அன்றாட பிரார்த்தனையும் இம்மாதிரியாக இருக்கட்டுமே
-
——————————–
- எஸ். ஆஷாதேவி, சென்னை
நன்றி: மங்கையர் மலர்

எங்கள் பிராத்தனை இதுவே...
பகிர்வுக்கு மிக்க நன்றி ராம்...