ஈராக் குறித்த நபி ஸல் அவர்களின் முன் அறிவிப்பு.

by **ahmad78** Sat 22 Feb 2014 - 9:28

இதைப் படிக்கின்ற உங்களுக்கும் எனக்கும் அல்லாஹ் ரஹ்மத் செய்வானாக!
************************
ஈராக்கில் ஏற்பட்டுள்ள பொருளாதாரத் தடை அதனால் ஏற்பட்டுள்ள கடும் பஞ்சம் குறித்த நபி ஸல் அவர்களின் முன் அறிவிப்பு.
***********************

அபூ சயீத் அல் குத்ரீ(ரலி) அவர்கள் அறிவிக்கிறார்கள்: ஒரு பகலன்று நபிகள் நாயகம்(ஸல்) அவர்கள் எங்களுக்கு அஸ்ர் தொழுகையை தொழ வைத்தார்கள். அதன் பிறகு உரை ஒன்று நிகழ்த்தினார்கள், அப்போது மறுமை நாள் தோன்றும் வரையிலும் நடை பெறவிருக்கும் அனைத்து (முக்கிய) நிகழ்ச்சிகள் குறித்தும் எங்களுக்கு முன்னறிவிப்பு செய்தார்கள்.

ஜாபிர்(ரலி) அவர்கள் அறிவிக்கிறார்கள்:

ஈராக் மக்கள் மீது எதிர்காலத்தில் உணவும், நாணயமும் தடை செய்யப்படும் என்று நபிகள் நாயகம்(ஸல்) அவர்கள் கூறிய போது, அந்தத் தடையை ஏற்படுத்துவோர் யார்? என்று நாங்கள் வினவினோம். அதற்கவர்கள், அந்நிய மொழி பேசுவோர் என்று கூறினார்கள்.

ஷாம் (இன்றைய சிரியா) மக்கள் மீதும் எதிர்காலத்தில் உணவும், நாணயமும் தடை செய்யப்படும் என்று கூறினார்கள். அந்த தடையை ஏற்படுத்துவோர் யார்? என்று வினவினோம். ரோம் நாட்டவர்கள் என்று கூறி, சிறிது நேரம் அமைதியாக இருந்து விட்டு பிறகு கூறினார்கள்: என் சமுதாயத்தில் கடைசி காலத்தில் ஒரு கலீஃபா தோன்றுவார் அவர் செல்வத்தை கணக்கின்றி (ஏழைகளுக்கு) வாரி, வாரி வழங்குவார்…. நூல்: முஸ்லிம்.

ஈராக் நாணயம் ஒரு காலத்தில் செல்லத்தக்கதாக இருக்காது, அதனால் அங்கு உணவுப் பொருட்கள் வாங்கும் திறனின்றி மக்கள் தவித்துக் கொண்டிருப்பார்கள் என்று 1435 ஆண்டுகளுக்கு முன்பு நபிகள் நாயகம்(ஸல்) அவர்கள் முன்னறிவிப்பு செய்த செய்தியை இன்று நேருக்கு நேர் தொலைகாட்சியின் மூலம் கண்டு வருகிறோம்.

அந்நாட்டு தினார்கள் தெருவீதியில் கிழித்து எறியப்படும் கோரச்காட்சியும், அதனால் அந்நாட்டு மக்கள் உணவுப் பொருள் வாங்கும் திறனின்றி பஞ்சத்தால் அவதியுறுவதும் அனைவருடைய மனச்சாட்சியையும் அசைத்துப்பார்க்கிறது.

ஈராக் நாணயம் அந்நாட்டு மக்களால் பயன்படுத்த முடியாத படி தடை செய்யப்படும் என்பதற்கு நாணய வளம் தரும் பெட்ரோல் கிணறுகளை அந்நாட்டு மக்களால் பயன்படுத்த முடியாத நிலை ஒரு காலத்தில் ஏற்படும், அப்போது பஞ்சம் தலைவிரித்தாடும் என்று இந்த ஹதீஸில் பொருள் கொள்ளலாம். இதுவும் இன்று இராக்கில் நடை பெறுகிறது.

உலக முஸ்லிம்கள் அனைவரையும் அல்லாஹ் பாதுகாப்பானாக....

thanks facebook

by **பானுஷபானா** Sat 22 Feb 2014 - 9:59

உலக முஸ்லிம்கள் அனைவரையும் அல்லாஹ் பாதுகாப்பானாக.... wrote:

ஆமீன்....

ஈராக் குறித்த நபி ஸல் அவர்களின் முன் அறிவிப்பு.

ஈராக் குறித்த நபி ஸல் அவர்களின் முன் அறிவிப்பு.

Re: ஈராக் குறித்த நபி ஸல் அவர்களின் முன் அறிவிப்பு.