104 அணைகளை புனரமைக்கும், தமிழக அரசின் திட்டம் அம்போ!!

உலக வங்கி நிதி உதவியுடன், 104 அணைகளை புனரமைக்கும், தமிழக அரசின் தொலைநோக்கு திட்டத்தில், எந்த முன்னேற்றமும் இல்லை. அணைகள் வறண்டு கிடந்த, கடந்த இரண்டு ஆண்டுகளை பயன்படுத்தாமல் விட்டதால், குறித்த காலக்கெடுவிற்குள், இந்த பணிகளை முடிக்க இயலாது என, தெரிகிறது.
தமிழகத்தில், 85 பெரிய அணைகளும், பல்வேறு சிறிய அணைகளும் உள்ளன. இவற்றின் மொத்த நீர் தேக்க திறன், 240 டி.எம்.சி., தற்போது, பராமரிப்பு குறைவு போன்ற காரணங்களால், முழு திறனையும் பயன்படுத்த முடியாத நிலை உள்ளது. அதனால், இவற்றில், 104 அணைகளை புனரமைக்க, 2012 - 13ல், 'அணைகள் புனரமைப்பு மற்றும் மேம்பாட்டு திட்டம்' தமிழக அரசு வெளியிட்ட முதல் தொலைநோக்கு திட்ட ஆவணத்தில் அறிவிக்கப்பட்டது. அணைகளின் கொள்ளளவு திறனை உயர்த்துவது, தேக்கப்படும் நீரை, திறம்பட உபயோகிப்பது, அணையின் நீண்ட கால செயல்திறனை உறுதி செய்வது ஆகியவை, இந்த திட்டத்தின் நோக்கங்கள்.



உலக வங்கி நிதி: இந்த திட்டத்திற்கான மதிப்பீடு, 745 கோடி ரூபாய். இதில், 80 சதவீதம், உலக வங்கி கடனாகவும், 20
சதவீதம், மாநில அரசின் பங்களிப்பாகவும் இருக்கும் என, உலக வங்கியுடன் ஒப்பந்தம் போடப்பட்டது. திட்ட பணிகளை, 2012ல் துவங்கி, 2018க்குள் நிறைவேற்ற முடிவு செய்யப்பட்டது. பணிகளில், பல்வேறு துறைகளின் பங்களிப்புகளை ஒருங்கிணைக்க, தலைமை செயலரின் தலைமையில், மாநில திட்ட மேலாண்மை குழுவும் உருவாக்கப்பட்டது. முதல் கட்ட பணிகளுக்கான விரிவான மதிப்பீட்டிற்கு, இந்த குழு ஒப்புதல் அளித்ததோடு சரி; மேற்கொண்டு எந்த பணியும் நடக்கவில்லை. அதே போல், நீர்வள ஆதார துறை, மின் உற்பத்தி மற்றும் பகிர்மான கழகம், வேளாண் பொறியியல் துறை ஆகியவை இணைந்து, இந்த திட்டத்தை செயல்படுத்தும் என, அறிவிக்கப்பட்டது. ஆனால், இரண்டாவது ஆவணத் தில், வேளாண் பொறி யியல் துறை கழற்றி விடப்பட்டுள்ளது.



முடிவது சந்தேகம்: இது குறித்து, ஓய்வு பெற்ற பொதுப்பணி துறை அதிகாரி ஒருவர் கூறியதாவது: 2018க்குள் திட்டத்தை நிறைவேற்ற வேண்டும். 'காலம் பொன் போன்றது' என்ற, பழமொழியை மறந்த அரசு, பணிகளை முறையாக மேற்கொள்ளவில்லை. கடந்த இரண்டு ஆண்டுகளில், 30 சதவீத பணிகளை முடித்து இருக்கலாம். ஆனால், எதுவும் நடக்கவில்லை. எஞ்சியுள்ள நான்கு ஆண்டுகளில்,

Advertisement
104 அணைகளை புனரமைக்க முடியுமா என்பது, சந்தேகம் தான். இவ்வாறு அவர் கூறினார். கடந்த இரண்டு ஆண்டுகளிலும், பருவமழை பொய்த்ததால், பெரும்பாலான அணைகள் வறண்டு கிடந்தன. அந்த நேரத்தில், அணைகளை மேம்படுத்தி இருக்க வேண்டும். ஆனால், தற்போது வரை திட்ட பணிகள் துவங்கவில்லை.

மதிப்பீட்டில் மட்டும் மாற்றம்: கடந்த, 2012ல் வெளியிடப்பட்ட தொலைநோக்கு திட்ட ஆவணத்தில், இந்த திட்டத்திற்கு, 745 கோடி ரூபாய் செலவாகும் என, தெரிவிக்கப்பட்டது. இந்த ஆண்டு வெளியிடப்பட்ட, இரண்டாவது ஆவணத் தில், 750 கோடி ரூபாயாக மதிப்பீடு மாற்றப்பட்டு உள்ளது.



எங்கு துவங்கும்? அணைகள் புனரமைப்பு திட்டத்தை, நான்கு கட்டங்களாக செயல்படுத்த முடிவு செய்யப்பட்டது. முதல் கட்டத்தில் - 18 அணைகள், இரண்டாம் கட்டத்தில் - 42 அணைகள், மூன்றாம் கட்டத்தில் - 28 அணைகள், நான்காம் கட்டத்தில் - 16 அணைகள் புனரமைக்கப்படும் எனக் கூறப்பட்டது. முதல் கட்டத்தில், நீர்வள ஆதார துறை மூலம், 12 அணைகளிலும்; மின் உற்பத்தி மற்றும் பகிர்மான கழகம் மூலம், ஆறு அணைகளிலும் பணிகள் மேற்கொள்ளப்படும் என, தெரிவிக்கப்பட்டிருந்தது.


- நமது நிருபர் -

இந்த திட்டம் முடிவடையும் வரை
ஒரே கட்சி ஆட்சியில இருக்கணுமே...!
-
மாற்று கட்சி வந்ததும் இது உருப்படாத
திட்டம்னு ஒதுக்கினாலும் ஒதுக்கிடுவாங்க..!!!

rammalar wrote:இந்த திட்டம் முடிவடையும் வரை
ஒரே கட்சி ஆட்சியில இருக்கணுமே...!
-
மாற்று கட்சி வந்ததும் இது உருப்படாத
திட்டம்னு ஒதுக்கினாலும் ஒதுக்கிடுவாங்க..!!!

 !_ !_ !_ !_