வேகமாக உடற்பயிற்சி செய்யாதீர்கள்

by **மதி** Sun 9 Mar 2014 - 8:25

தொப்பையால் அவஸ்தைப்படுவோர் அதிகம். அத்தகையவர்கள் அத்தகைய தொப்பையைக் குறைக்க, பல்வேறு டயட், உடற்பயிற்சி போன்றவற்றை மேற்கொள்வார்கள். அப்படி தொப்பையைக் குறைக்க அப்டமன் பயிற்சி அல்லது அடி வயிற்று பயிற்சிகளை செய்து வரலாம்..

உடற்பயிற்சியை முதன் முதலாக ஆரம்பிப்பவர்கள் எளிதான பயிற்சி முறைகளை மேற்கொள்ளுங்கள் - ஒரு பலகையை 20 நொடிகள் பிடித்துக் கொண்டோ அல்லது 10 முறை க்ரன்ச் (Crunch) பயிற்சியையோ செய்து வாருங்கள். கடினமான பயிற்சியை மேற்கொள்ளும் போது, தசைகளில் வலியும், காயங்களும் வீக்கங்களும் ஏற்படலாம்.

ஆகையால் பயிற்சிக்கு முன் 'வார்ம் அப்' செய்வது, உடலின் தசைகளில் காயங்கள் ஏற்படுவதை தடுக்கும். உதாரணமாக, சிறிது தூரம் விரைவாக நடப்பது, குனிந்து உங்கள் பாதங்களை மெதுவாக தொடுவது, மூச்சை இழுத்து விடுவது, இடுப்பை வளைத்து சில பயிற்சிகள் மெதுவாக செய்வது சிறந்ததாகும்.

இச்செயல்கள் உங்களை வயிற்று பயிற்சிக்கு தயார்படுத்தும். பயிற்சியின் போது தசைகள் மட்டும் தான் முக்கிய பங்கு வகிக்கிறது என நீங்கள் நினைத்திருந்தால் அது தவறு. உங்கள் மனமும் பயிற்சியில் முக்கிய பங்கு வகிக்கிறது. ஆதலால் பயிற்சியின் தசைகள் மீது கவனம் செலுத்துங்கள். தசைகள் நகர்ந்து, விரிவடைவதையும் சுருங்குவதையும் உணருங்கள்.

இது உங்களுக்கு நல்ல பலனைத் தரும். தட்டையான வயிற்றைப் பெற எல்லா பக்கங்களிலும் தசைகளை நகர்த்தி பயிற்சி செய்தால் நல்ல பலனை விரைவில் பெறலாம். க்ரன்ச் பயிற்சியில் மட்டும் கவனம் செய்யாதீர்கள். வக்ராசனா போன்று உடம்பை வளைக்கும் மற்றும் திரும்பும் விதமான பயிற்சிகளையும் செய்யலாம்.

உங்கள் வழக்கான பயிற்சியில் சில பாலன்ஸ் செய்யும் பயிற்சிகளையும் சேர்த்துக் கொள்ளுங்கள். ஒற்றை காலில் நின்று மற்றொரு காலை தொடையின் மீது வைத்துக் கொள்வது, கைகளை தலைக்கு மேல் வைத்து உள்ளங்கைகளை தொடும் வண்ணம் வைத்துக் கொள்வது என 'விரிக்காசனா' போன்ற பயிற்சிகளையும் செய்யலாம்.

வயிற்று பயிற்சியை அளவுக்கு அதிகமாக செய்வதால் பலன் பெற முடியாது. ஓய்வு எடுப்பதால் தசைகள் மீண்டு மேலும் உறுதியடையும். அவசர அவசரமாக பயிற்சி செய்தால் பலன் பெற முடியாது. மெதுவாகவும், நிதானத்துடனும் பயிற்சி செய்தால் சிறந்த முறையில் கொழுப்பை குறைக்கலாம்.

உங்களின் வயிற்று தசைகள் அதிக எடைகளை தூக்குவதால் சிறந்த பலனைப் பெறும். ஒவ்வொரு முறை பயிற்சி செய்யும் போதும், எடைகளை ஒரு சில கிலோ ஏற்றி பயிற்சி செய்வதால், இன்னும் நல்ல பலனை அடையலாம். ஜிம்மிற்கு தினம் சென்று கடினமான பயிற்சி செய்வதால் மட்டுமே போதாது.

'உங்கள் உணவில் புரதம், கொழுப்பு குறைவான கொழுப்புடைய பால் மற்றும் பால் சார்ந்த உணவுகள், பழங்கள் மற்றும் நல்ல காய்கள் ஆகியவை இருக்க வேண்டும்' என்று ஊட்டச்சத்து நிபுணர்கள் பரிந்துரைக்கிறார்கள்.

by **பானுஷபானா** Mon 10 Mar 2014 - 15:31

பகிர்வுக்கு நன்றி மதி:)

by **Nisha** Thu 10 Apr 2014 - 10:32

நல்லபயன் தரும் பகிர்வுக்கு நன்றி மதி!

by **rammalar** Thu 10 Apr 2014 - 15:22

வேகமாக உடற்பயிற்சி செய்யாதீர்கள் Images?q=tbn:ANd9GcROSU8IWQO1SppcpDJiV42sutqyzlEHTxcU8n_WgT2vOSp3l9vI

-
தொப்பையும் அழகுதான்..!!

by **மதி** Thu 10 Apr 2014 - 17:56

பானுஷபானா wrote:பகிர்வுக்கு நன்றி மதி:)

நன்றி அக்கா )(

by **மதி** Thu 10 Apr 2014 - 17:57

Nisha wrote:நல்லபயன் தரும் பகிர்வுக்கு நன்றி மதி!

நன்றி அக்கா )(

by **மதி** Thu 10 Apr 2014 - 17:58

rammalar wrote:
-
தொப்பையும் அழகுதான்..!!

தொப்பை அழகென்று யார் சொன்னது ஐயா!

by Sponsored content

வேகமாக உடற்பயிற்சி செய்யாதீர்கள்

வேகமாக உடற்பயிற்சி செய்யாதீர்கள்

Re: வேகமாக உடற்பயிற்சி செய்யாதீர்கள்

Re: வேகமாக உடற்பயிற்சி செய்யாதீர்கள்

Re: வேகமாக உடற்பயிற்சி செய்யாதீர்கள்

Re: வேகமாக உடற்பயிற்சி செய்யாதீர்கள்

Re: வேகமாக உடற்பயிற்சி செய்யாதீர்கள்

Re: வேகமாக உடற்பயிற்சி செய்யாதீர்கள்

Re: வேகமாக உடற்பயிற்சி செய்யாதீர்கள்